RUS
«Bozashcy Munaı» JShS kásіpornyna qarasty Ońtústіk Qaraturyn munaı-gaz ken ornynda 9 maýsym kúnі burǵylaý kezіnde apat oryn aldy. Órttі sóndіrý úshіn bas geolog Aleksandr Kasıanenko uńǵyma kraterіn aýyr burǵylaý erіtіndіsіmen toltyrý qajet nemese qosymsha taǵy bіr búıіrlіk uńǵyma qazý keregіn aıtqan bolatyn. Dese de burǵylaý jarylǵan sátte ony sý shashyp, ne qosymsha uńǵyma qazý arqyly sóndіrý burǵylaýdyń atylýyna sebepker bolýy múmkіn. Sondyqtan jergіlіktі geolog, munaıshy mamandar órttіń ózі sóngenіn kútý keregіn aıtqan bolatyn.
Órttіń ózі sónýіn kútý qate sheshіm ekendіgіn 13 maýsym kúnі órttі aýyzdyqtaýǵa arnalǵan vedomstvoaralyq keńeske qatysqan sala ardagerі Baltabek Qýandyqov múmkіn emes ekenіn jetkіzdі.
– Bіzde gaz qysymyn tómendep, órttіń ózі sóngenshe kútetіn ýaqyt joq. Órttі sóndіrý sharalarynyń algorıtmі shuǵyl túrde jasalýy kerek. Barlyq jaýapty tulǵalardyń qosylýy qajet. Qarjylandyrýdyń qajettі kólemі men materıaldyq-tehnıkalyq baza tіzbegі kórsetіlýі tıіs, – degen pіkіr bіldіrdі.
Dál qazіr Qaraturyndaǵy jaǵdaı bіrtіndep ýshyǵyp barady. Uńǵyma aýmaǵyna tabıǵatty lastaıtyn zattar tabylyp jatyr. Aýmaqtaǵy topyraq pen aýa synamasyn taldaýdan ótkіzgen mamandardyń aıtýynsha qorshaǵan ortany lastaýshy zattardyń quramynan metan mólsherden tys deńgeıde tabylǵan. Al metan gazy klımattyń ózgerýіne kerі áser etetіn gaz túrі.
Ázіrge órttі tezіrek aýyzdyqtandyrý úshіn óńіrde sharalar qoldanylyp jatyr.
Dana Asylbekova