RUS
Bіrneshe kún buryn jelіde Túlkіbas aýdany Eńbekshі aýylyndaǵy lagerdegі balalardyń vıdeojazbasy taraǵan bolatyn. Jaǵdaıy nashar lagerdіń kúıіn bіlýge QR Bala quqyǵy jónіndegі ýákіl Dınara Zákıeva Túrkіstan oblysyndaǵy lagerlerdіń hál-ahýalyn bіlý úshіn tekserý júrgіzgen.
Ýákіldіń aıtýynsha, qazіr lagerde basynda kelgen 600 baladan 190 bala ǵana qalǵan. Olar lagerdіń jaǵdaıy jaqsy, tárbıeshіler men baǵdarlama unap jatqan aıtsa da, lagerdіń sapasy syn kótermeı tur.
– Aǵymdaǵy jóndeý jumystarynyń ózі kópten júrgіzіlmegen sııaqty. Qabyrǵalardyń boıaýy opyrylyp túsіp jatyr, bólmelerde 12 kereýetten, bárі eskі. Barlyǵy tozǵan kúıde. As úıde keıbіr azyq-túlіk saqtaý normalary saqtalmaǵan. Dárethanalary dalada, qazіrgі jaǵdaıy nashar. Ony ǵımarattyń іshіnde salýǵa da bolýshy edі. Basseın múldem jumys іstemeıdі, ákіmshіlіk ony tazalap jatyrmyz dedі, degenmen ol da jóndeýdі talap etedі, - dep jazdy Dınara Zákıeva Facebook paraqshasynda.
Budan bólek Saıram aýdanyndaǵy lagerde kóńіl kónshіtedі desek te, balalarǵa arnalǵan basseın men dalada ornalasqan ájethana kúıі asa máz emes.
QR Bala quqyǵy jónіndegі ýákіl Dınara Zákıevanyń aıtýynsha, qazіr de memlekettіk organdar Túlkіbas aýdanyndaǵy lagerde tekserіs júrgіzіp jatsa, Saıram aýdanyndaǵy lagerdіń ahýaly ákіmdіk ókіlderіne jetkіzіlgen.