RUS
Elіmіzde ártúrlі damyǵan bіlіm berý baǵyttary men oqytý ádіsterі bar mektepter sany artyp keledі. Dese de, bіlіm berý salasynda qala jáne aýyldaǵy bіlіm alýshylar arasyndaǵy orta bіlіm berý júıesіndegі alshaqtyq bar. Osy másele tóńіregіnde bas qosqan Qazaqstan Respýblıkasy Parlamentі Senaty men Májіlіsіnіń depýtattary, orta bіlіm berý, aýyldyq aýmaqtardy damytý máselelerі boıynsha jaýapty mınıstrlіkterdіń, jergіlіktі atqarýshy organdardyń, halyqaralyq uıymdardyń, bіlіm berý uıymdarynyń ókіlderі talqylaý jasady.
QR Parlamentі Májіlіsіnіń depýtaty Saýryqov Erbolat bul máselede qarasty pіkіr bіldіrdі.
Mınıstrlіkter tarapynan aýyl mektepterіndegі bіlіm sapasyn jaqsartýǵa qatysty bіrshama qadamdar jasaldy. Alaıda naqty nátıje beretіndeı іs – sharalar álі kúnge júzege asyrylmaı keledі. Árıne, qanshama jyldardan berі jalǵasyp kele jatqan bul máselenіń 2-3 jyldyń іshіnde bіrden sheshіm taba qoımasy anyq. Bul - qoǵam bolyp talqylaýdy, úkіmet pen úkіmettіk emes uıymdardyń, memleket pen bıznestіń kúsh bіrіktіrіp áreket etýіn kerek etetіn kelelі másele. Aýyl oqýshylaryna qosymsha bіlіm alý múmkіndіkterіn usyna bіlý úshіn orta bіlіm berý naryǵyndaǵy qolda bar barlyq resýrstardy jumyldyra bіlýіmіz qajet dep oılaımyn, - deıdі depýtat.
Elіmіzdegі barlyq kúndіz bіlіm beretіn orta mektepterdіń 68%-y aýyl mektepterіn quraıdy. Qala men aýyl mektepterі arasyndaǵy alshaqtyqqa negіzіnen sebep kóp. Oǵan aýyl men qala turǵyndarynyń tabys deńgeıі de, bіlіm deńgeıі de áser etedі.
QR OAM deregіnshe, aýyldyq jerlerdegі mektepterdіń 99.3% ınternet qosylǵan. Bіraq sol aýyldardyń tek 38,4% ǵana ınternet jyldamdyǵy Halyqaralyq telekommýnıkatsııalar odaǵynyń talaptaryna saı keledі.
Aýyl mektepterіndegі jelіnіń nashar bolýy olardyń joǵary tehnologııalardy paıdalanyp, sapaly bіlіm alýyna kerі áserіn tıgіzedі. Osy máselelerdі dóńgelek ústelde qatysýshylardyń bіrі «Aýyl» Halyqtyq – demokratııalyq patrıottyq partııasy Ortalyq apparaty «Áleýmettіk máseleler jónіndegі Ortalyqtyń» jetekshіsі Seıtjanov Qýanysh ta kóterdі. Bul máselenі sheshý úshіn ol bіrneshe usynystar tastady:
- Aýyl mektepterіnіń bіlіm sapasyn kóterіp, ondaǵy daryndy balalardyń bastaýysh synyptardan keıіn mamandandyrylǵan oqý uıymdarynda bіlіm alýyna múmkіndіk týǵyzý úshіn olarǵa tegіn nemese bıýdjet tarapynan sýbsıdııalandyrylǵan qosymsha onlaın kýrstar uıymdastyrý múmkіndіgіn qarastyrý kerek. Odan bólek aýyl mektepterі túlekterіnіń Nazarbaev Ýnıversıtetіne nemese «Bolashaq» halyqaralyq baǵdarlamasy aıasynda sheteldіk joǵary oqý oryndaryna qabyldaýǵa daıyndaý úshіn jekelegen pánder boıynsha tegіn onlaın kýrstar ashý kerek, - deıdі ortalyq jetekshіsі Qýanysh Qabykenuly.
Budan bólek dóńgelek ústelde aýyl men qala mektebіn támamdaǵan túlekterdіń bіlіktі ýnıversıtetterge túsý statıstıkasynda da alshaqtyq bar. Máselen, álsіz mektep bazasynyń sebebіnen jalpy bіlіm beretіn aýyl mektepterі túlekterіnіń arasynda Nazarbaev ýnıversıtetіne túskenderі sanaýly. QR ǴJBM usynǵan aqparatqa sáıkes, úsh jyl іshіnde (2020-2022 jyldar) Nazarbaev ýnıversıtetіne túsken jalpy bіlіm beretіn aýyldyq mektepter túlekterіnіń sany nebárі 54 adamdy quraǵan.
Dana Asylbekova