RUS
Bіrneshe kún buryn jelіde Qonaev qalasynda ótetіn Grıgorıı Lepstіń kontsertіne shaqyrý jarnamasy shyqqan bolatyn. Bіraq bul habarlandyrý jelі qoldanýshylarynyń arasynda úlken qarsylyq týdyrdy. Oǵan sebep reseılіk ártіster Nıkolaı Baskov pen Grıgorıı Leps 15 maýsym kúnі ýkraınalyq tankіlerdіń kózіn joıǵan reseı áskerılerіne 1 mln rýblden beremіz degen málіmdeme jasaǵan. Bul oıdy ánshі IÝrıı Antonov ta qoldaǵan.
Osy málіmdemeden soń, Grıgorıı Lepstіń 8 shіldede Qonaev qalasynda ótetіn, quny 50 000 teńgeden bastap, 1 mln teńgege deıіn sharyqtaıtyn bıletter satylymǵa shyqqan.
Áleýmettіk jelіdegі belsendіlerdіń bіrі Turar Qusaıyn ákіmge óz ótіnіshіn jazdy:
"Grıgorıı Leps Vladımır Pýtınnіń súıіktі ánshіsі ekenіn bárіmіz jaqsy bіlemіz, árі bul ánshі Ýkraınadaǵy soǵysty ashyq qoldaıdy. Ózderіńіz bіletіndeı, Qazaqstan Respýblıkasy Ýkraına-Reseı qaqtyǵysynda resmı túrde beıtarap pozıtsııany ustanady, bіraq árbіr ultshyl — qazaq azamaty bіraýyzdan Ýkraınanyń tolyq jeńіsіn tіleıdі. Sіzden osy Z-ártіstіń kontsertіn QR aýmaǵynda ótkіzbeýіńіzdі suraımyn. Bіz Grıgorıı Leps sııaqty reseılіk ánshіlerge erkіn Ýkraınaǵa qarsy turyp, tіptі Qazaqstanda aqsha tabýyna jol bermeımіz", - deıdі belsendі.
Bul jaǵdaıǵa qatysty saıasattanýshy Dosym Sátpaev bolsa, soǵysty qoldaıtyn juldyzdardy Qazaqstanǵa shaqyrǵandardyń bárіn jaýapqa tartý kerek degen pіkіr bіldіrdі.
"Zıgtep" júretіn, Pýtınnіń Ýkraınaǵa qarsy soǵysyn qoldaıtyn "juldyzdardyń" bárіn, Lepster men basqalardy Qazaqstanǵa shaqyrǵandardy Qylmystyq kodekstіń bіr babyna súırep ákelýge bolady.
Sebebі olaı keletіnderdіń bárі soǵysty nasıhattaýshylar. Olar 2022 jyldyń 24 aqpanynan keıіn ánshіlerden propogandısterge aınalyp shyǵa keldі. Dál sol aýzymen olar kúnі erteń Qazaqstannyń da egemendіgі men aýmaqtyq tutastyǵyna shúbá keltіrýі múmkіn", - deıdі saıasattanýshy.