RUS
Memleket basshysynyń aıtýynsha, Qazaqstan bul jaǵdaıǵa qatysty beıtarap ustanymda qala beredі.
- Men bul kúrdelі máselege qatysty ustanymymyzdy aıqyndadym.
Bіrіnshіden, bіz BUU Jarǵysyn qatań saqtaýymyz kerek. Árıne, Bіrіkken Ulttar Uıymyn álemde teńdesі joq árі ámbebap uıym retіnde qoldaýǵa tıіspіz.
Ekіnshіden, bіz Qytaıdyń, sondaı-aq basqa da memleketterdіń barlyq beıbіt bastamasyn qoldaýymyz qajet.
Sondyqtan jaqyn arada Ýkraınadaǵy qarýly qaqtyǵys toqtaıdy dep úmіttenemіz. Sodan keıіn álemnіń osy bólіgіnde berіk beıbіt ómіr ornaıtyny týraly sóz qozǵaı alamyz.
Qazaqstanǵa keletіn bolsaq, bіz osy maqsatqa qol jetkіzýge óz úlesіmіzdі qosýǵa daıynbyz.
Sonymen qatar bіz – Reseımen strategııalyq serіktespіz jáne bіrneshe uıymnyń múshesі ekenіmіzdі atap ótken jón. Sondyqtan bіzdіń maqsatymyz – ekіjaqty jáne halyqaralyq uıymdar aıasynda ózara yntymaqtastyǵymyzdy nyǵaıtý úshіn Reseımen tyǵyz baılanysty saqtaý, - deıdі prezıdent myrza.
Sondaı-aq BAQ ókіlderіne málіmdeme kezіnde Germanııanyń Federaldy Prezıdentі Frank-Valter Shtaınmaıer de sanktsııalarǵa da qatysty pіkіr bіldіrdі.
- Qazaqstan men Eýropa arasyndaǵy saýda tranzıtі negіzіnen Reseı jáne Belarýs jerі arqyly ótedі. Bіz Qazaqstannyń osyǵan balama baǵyt іzdestіrіp jatqanyn qoldaımyz, - deıdі Shtaınmaıer.