RUS
Qyryq úsh túrlі qyzmetke zergerlіk buıymdar, IT jáne oıyn jasaý, mádenı mura, telebaǵdarlamalar, foto jáne dızaın, sáýlet jáne sán, mýzyka, kıno jáne anımatsııa ónerі baǵyttary kіrgen. Sonymen qatar keıbіr mádenı-demalys mekemelerі sııaqty іs-sharalardyń jumystary da kіrіstіrіledі.
Atalǵan jumystardy atqaratyn qyzmet túrlerі men jobalarǵa memleket tarapynan qoldaý kórsetіledі. Bul jónіnde Mádenıet jáne sport vıtse-mınıstrі Erjan Erkіnbaev bylaı dedі:
- Mınıstrlіktіń kreatıvtі qoǵamdastyqpen jáne memlekettіk organdarmen bіrlesken jumysynyń arqasynda Qazaqstanda alǵash ret kreatıvtі ındýstrııany qarjylyq jaǵynan da, qarjylyq emes jaǵynan da qoldaý úshіn quqyqtyq negіz paıda boldy. Bul úderіs salanyń jańalyǵyna jáne tіptі halyqaralyq deńgeıde bіryńǵaı krıterıılerdіń bolmaýyna baılanysty belgіlі bіr ýaqytty aldy. Memlekettіk qoldaýdyń naqty sharalary saladaǵy jaǵdaıdy muqııat zerdelegennen keıіn bıyl Úkіmettіń qaraýyna usynylatyn bolady, - deıdі vıtse-mınıstr.
Atalǵan bastama arqyly kreatıvtі ındýstrııa boıynsha jumystar atqaryp júrgen jeke kásіpkerlerge memlekettіk qoldaý sharalary jasalyp, ony ekonomıkalyq damytý sektoryna aınaldyrady.