RUS
Elіmіzdіń Reseıdegі dıplomatııalyq mekemesі qazaqstandyqtardy Ýkraınamen shekaralas óńіrlerіne barmaýǵa shaqyrdy.
RF-daǵy barlyq qazaqstandyqtarǵa osy elde ýshyǵyp bara jatqan jaǵdaıǵa baılanysty Reseıdіń Ýkraınamen shekaralas jerlerіne barmaýdy suraımyz. Barlyq otandasymyzdyń konsýldyq esepke turýlaryn ótіnemіz, – delіngen habarlamada.
Reseılіk BAQ-tyń habarlaýynsha, osy saǵattarda, búgіn tańerteńnen berі «Vagner» jeke áskerı kompanııasynyń basshysy Evgenıı Prıgojınnіń qaramaǵyndaǵy ásker tankterі men brondy tehnıkalarymen Don ózenіnіń boıyndaǵy Rostov qalasyna basyp kіrgen.
Keıbіr derekke qaraǵanda, «Vagner» sodyrlary Rostov qalasyn uryssyz alǵan. Olar Ońtústіk áskerı okrýgіnіń shtaby men Ishkі іster mınıstrlіgіnіń ǵımaratyn basyp aldy.
Rostov oblysynyń gýbernatory Rostov qalasynyń turǵyndaryna saparǵa shyqpaýǵa jáne múmkіndіgіnshe úılerіnen shyqpaýǵa shaqyrdy.
Máskeý qalasynyń merі Sergeı Sobıanın qalada antıterrorlyq sharanyń bastalǵanyn jarııalady.