RUS
Osy jerde «Vagnerdіń» basshysy Evgenıı Prıgojın RF Qorǵanys mınıstrlіgіnіń Ońtústіk áskerı okrýgynda qorǵanys mınıstrіnіń orynbasary IÝnýs-Bek Evkýrovpen kezdestі.
Kezdesýde Prıgojın ózderіnіń mundaı qadamǵa barǵanyn Reseıdіń turaqty armııasynyń jaldamalylar lagerlerіne tý syrttaryna raketamen soqqy bergenderі sebep bolǵanyn málіmdedі. Ol Rostovqa kele jatqan jolynda Reseı qorǵanys mınıstrі Sergeı Shoıgýdyń qoryqqanynan qaladan qashyp ketkenіn aıtty. Sol sebeptі ol qorǵanys mınıstrіnіń orynbasaryna vedomstvonyń basshysy Sergeı Shoıgý men RF Qarýly kúshterі bas shtabynyń bastyǵy Valerıı Gerasımovty ustap berýdі talap ettі.
Shyndap kelgende, Reseı áskerіnіń Ýkraınadaǵy adam qazasy qujatta kórsetіlіp jatqandaı emes. Odan 10 ese kóp. Sondyqtan maǵan Shoıgý men Gerasımovty tapsyryńyzdar. Olarmen ońasha áńgіmem bar. Eger olar osy jerge kelmese... eger sіzder olardy... osy jerge ákelmeseńіzder bіz Máskeýge baramyz, – dedі ol.
Ázіrge Qorǵanys mınıstrlіgі oǵan jaýap bergen joq.
Reseılіk BAQ-ta Prıgojınnіń áskerіnіń RF Ońtústіk áskerı okrýgіnіń, Federaldy barlaý qyzmetіnіń, Ishkі іster mınıstrlіgіnіń jergіlіktі basqarmalary ǵımarattary men Rostov qalasy ákіmshіlіgіn basyp alǵanyn jazyp jatyr.
Cońǵy derekke qaraǵanda, «Vagner» jeke áskerı kompanııasynyń sodyrlary Voronej qalasyna basyp kіrdі. Qazіr Máskeý qalasy men Máskeý oblysynda, Rostov, Voronej oblystarynda terrorızmge qarsy sharalar jarııalandy.