RUS
Ol Pýtınnіń úndeýіnen keıіn ózіnіń Telegram-arnasynda «Vagner» JÁK basshysy Evgenıı Prıgojınnіń іs-áreketіn satqyndyq dep aıyptady. Sonymen bіrge ol jaldamalylardyń basshysyna soǵys kezіnde jeke basqa qatysty ókpe-renіshtі sheshýdі qoıa turýdy aıtqanyn, qazіr bіr-bіrіmen jaýlasatyn ýaqyt emestіgіn eskertkenіn atap óttі.
Dostar, menіń Rostovtaǵy, jalpy elіmіzdegі jaǵdaıǵa der kezіnde jaýap bere almaǵanymnyń sebebіn aıtsam, menіń ýaqytym bolmady. Túnіmen sharýalarmen shapqylap júrіp, endі ǵana satqyndyq týraly estіp, bіlіp otyrmyn. Búgіngі opasyzdyq bіzdіń arqamyzǵa qadalǵan pyshaq boldy.
Men oǵan (Prıgojındі aıtady, - red) talaı ret soǵys kezіnde jeke basqa qatysty ókpe-renіshtі sheshýdі qoıa turýdy aıtqanmyn. Ol tyńdamady. Ol búkіl memleketke qarsy shyqty. Men halyqtyń qalaýymen saılanǵan joǵary bas qolbasshymyzdy qoldaımyn. Bіzge eldіń saıası turaqtylyǵy, halyqtyń bіrlіgі, otandastarymyzdyń qaýіpsіzdіgі kerek, – dedі ol.
Sheshenstan basshysynyń aıtýynsha, Prıgojınnіń áreketі jaǵdaıdy qıyndatyp jatyr. Mundaı áreketter tarıhta qantógіspen aıaqtalǵan.
Ramzan Kadyrov Reseı Federatsııasy Qorǵanys mınıstrlіgі men Reseı gvardııasynyń Sheshenstan Respýblıkasyndaǵy jaýyngerlerі shıelenіs aımaqtaryna attanǵanyn aıtty. Sóz sońynda ol Prıgojınnіń іs-áreketіn memleketke jasalǵan opasyzdyqpen teńedі.