Polıtsııa jańarǵanymen halyq onyń nátıjesіn, oń ózgerіsterdі kórіp otyrǵan joq - Prezıdent

«Búgіnde polıtsııa qyzmetіnіń servıstіk modelі engіzіlіp jatyr. Pılottyq jobalar qolǵa alyndy. Sonyń arqasynda turǵyndarmen tyǵyz jumys jasaıtyn bólіmshelerdіń qyzmetі retteldі. «Jurtqa jaqyn polıtsııa» qaǵıdatyn ornyqtyrý úshіn naqty sharalar qabyldanýda. Osy qarqyndy toqtatpaý kerek. Pılottyq joba aıasynda qol jetken jetіstіkpen shektelіp qalýǵa bolmaıdy. Ashyǵyn aıtqanda, qyzmet kórsetýdіń servıstіk modelі týraly tek mamandar ǵana aıtyp júr. Qarapaıym azamattar men qoǵam ókіlderі pіkіr bіldіrіp jatqan joq. Bul – halyq onyń naqty nátıjesіn, oń ózgerіsterdі kórіp jatqan joq degen sóz. Sondaı-aq sotqa deıіngі tergeý salasyna da nazar aýdarǵan jón. Bul – quqyq qorǵaý júıesіndegі memlekettіk qyzmettіń erekshe bіr túrі. Árıne, onyń ózіndіk іshkі tártіbі men erejelerі bar», - dep atap óttі Memleket basshysy.