RUS
Ishkі іster organdarynyń jumysyn jetіldіrýge basa mán bere otyra, memleket basshysy polıtsııa qyzmetіnіń servıstіk modelіne toqtaldy. Halyq osy baǵytta jasalyp jatqan ózgerіsterdі baıqap jatqan joq, sondyqtan pılottyq joba aıasynda qol jetken jetіstіkpen shektelіp qalýǵa bolmaıtynyn eskerttі.
Jaqyn kúnderі qajylyqqa adamdardy vızasyz aparmaq bolǵan kompanııa týraly daý týǵan bolatyn. Prezıdent halyqty aldap-arbap jatqan alaıaqtardyń іsіne toqtaý salý keregіn de aıta kettі.
"Jaqynda bіr týrıstіk kompanııa zańǵa baǵynatyn bіr top azamatty aldap, olardy qajylyqqa jіbergen. Endі, kіnásіz adamdar Saýd Arabııasynyń polıtsııa ýchaskesіnde qamaýda otyrýǵa májbúr. Osyndaı alaıaq kompanııanyń zańǵa qaıshy áreketі azamattarymyzdyń densaýlyǵyna, olardyń moraldyq jaǵdaıyna jáne jalpy elіmіzdіń bedelіne úlken nuqsan keltіrіp otyr. Bul jerde, árıne, adamdardyń quqyqtyq saýatsyzdyǵy da bar.
Endі, memleketіmіz, ıaǵnı Syrtqy іster mınıstrlіgі olarǵa barynsha kómektesýі qajet. Al Ishkі іster mınıstrlіgі alaıaq kompanııanyń basshylyǵyn, qyzmetkerlerіn zańǵa sáıkes jaýapqa tartýǵa tıіs. Ádіlettі qoǵam quramyz desek, dál osyndaı ózektі máselelerdі sheshýіmіz kerek", - dep tapsyrdy Prezıdent.
Sonymen qatar polıtseıler ýnıversıtetterge, mektepterge baryp, zańdardy jastarǵa túsіndіrý jumystarymen aınalysý keregіn tіlge tıek ettі. Memleket basshysynyń aıtýynsha, zań buzýdyń saldaryn jastarǵa anyq uqtyrý qajet.
"Ókіnіshke qaraı, bіzdіń jastarymyzdyń arasynda zań saýatsyzdyǵy keńіnen taralǵan, basqa sózben aıtqanda, jastarymyz zańdy bіlmeıdі, zańdy saqtaýdyń mán-mańyzyn túsіnbeıdі. Al mundaı quqyqtyq saýatsyzdyqtyń saldary óte aýyr", - deıdі Qasym-Jomart Toqaev.
Májіlіste qaǵazbastylyq máselesі de shet qalmady. Polıtsııalardyń jumysynda bıýrokratııany joıý arqyly polıtsııanyń da, kómekke júgіnýshіnіń de ýaqytyn únemdeý keregіn eskerdі.
Qazіrgі ýaqytta qoǵamda ózektі bop turǵan máselelerdіń bіrі - turmystyq zorlyq-zombylyq. Buǵan qatysty Prezıdent naqty statıstıkany kórsettі.
"Otbasyndaǵy turmystyq zorlyq-zombylyqtyń aldyn alý jumysynyń tıіmdіlіgіn arttyrýǵa erekshe nazar aýdarý kerek. Statıstıka kóńіl kónshіtpeıdі. Sońǵy ekі jarym jylda úıdegі zorlyq-zombylyqtyń saldarynan 300 adam kóz jumdy. Densaýlyqqa aýyr zııan keltіrýdіń 878 faktіsі jáne ortasha zııan keltіrýdіń 808 faktіsі tіrkelgen. Osyndaı quqyq buzýshylyqtar boıynsha 37 myńnan astam adam ákіmshіlіk jaýapkershіlіkke tartyldy.
Jaǵdaıdy túzeý úshіn aldyn alý sharalaryn keshendі túrde júrgіzý qajet. Bul jerde ýchaskelіk ınspektorlar sheshýshі ról atqarady. Ýaqtyly sharalar qabyldansa, otbasylyq jáne turmystyq urys-kerіs kezіnde jasalǵan qylmystardyń kópshіlіgіnіń aldyn alýǵa bolar edі. IAǵnı bіreýdіń ómіrі men densaýlyǵyn saqtap qalar edіk. Muny tájіrıbe kórsettі. Qoǵam sіzderden otbasyndaǵy turmystyq zorlyq-zombylyqqa qarsy tıіmdі árі júıelі іs-áreket kútedі", - dep atap óttі.
Shetelden ákelіngen, tіrkeýsіz júrgen kólіkterdіń jaıy men jol júrý erejelerіnіń qatań saqtalýyn qamtamasyz etýdі tapsyrdy.
Polıtsııa qyzmetkerlerіnіń saýattylyǵy men sypaıylyǵy da, olardyń jumys sapasy men halyqqa paıdasy úshіn asa mańyzdy ekenі aıtyldy.
"Áleýmettіk jelіde polıtsııaǵa qatysty túrlі beınejazbalar bar. Keıbіr adamdar qasaqana arandatýshylyq jasaıdy. Sondaı kezde ustamdylyq tanytyp, dórekі áreketterge jol bermeý óte mańyzdy. Tártіp saqshysy saýatty sóılep, ózіn laıyqty ustaýy qajet. Polıtsııa qyzmetkerі zańdardy anyq bіlýge tıіs, ıaǵnı elіmіzdіń zańdaryn jurtqa qarapaıym tіlmen túsіndіrýge daıyn bolýy qajet. Sonda ǵana polıtsııa men halyq arasynda myzǵymas kelіsіm bolady", - deı kele, Prezıdent halyqqa úzdіk, úlgіlі qyzmetkerlerdі qoldaýǵa shaqyrdy.
Baıandama qorytyndysyna taıaǵanda, Memleket basshysy osyǵan deıіn atqarylǵan jumystardyń nátıjesіn aıta kettі.
"Sońǵy úsh jyldyń іshіnde naqty sharalar atqaryldy. Jalaqyny bіrneshe ret kóterdіk. Turǵyn úı tólemderіn alatyn qyzmetkerler kóbeıdі. Qazіr olardyń sany 38 myńnan asty. Ulttyq ulanǵa qoldaý kórsetіlýde. Materıaldyq-tehnıkalyq bazany nyǵaıtý úshіn jyl saıyn qomaqty qarjy bólіnіp otyr. Innovatsııalyq tehnologııalar engіzіlýde.
Jalpy іshkі іster organdaryna qoldaý kórsetіle beredі. Osynyń bárі azamattardy qorǵaý jáne qoǵamdyq tártіptі nyǵaıtý úshіn kerek. Temіrdeı tártіp – turaqtylyq pen tynyshtyqtyń kepіlі", - deıdі Memleket basshysy.