RUS
Aıtalyq, jasyryn іs-sharalar keshenіnіń nátıjelerі boıynsha para berýge oqtalǵan QR Mádenıet jáne sport eks-mınıstrі, Ulttyq mýzeıdіń burynǵy basshysy Arystanbek Muhamedıulynyń jubaıy áshkerelendі. Condaı-aq atalǵandardyń múddelerіn qorǵaýdy júzege asyrǵan advokat alaıaqtyq pen para berýge ıtermeleý kúdіgіmen ustalǵan.
QR Sybaılas jemqorlyqqa qarsy іs-qımyl Agenttіgіnіń habarlaýynsha, Arystanbek Muhamedıulynyń qylmystyq jazasyn jeńіldetý jáne qamaýdan bosatý syltaýymen qorǵalýshynyń jubaıynan sot organdarynyń laýazymdy adamdaryna berý úshіn para retіnde 460 000 AQSh dollary somasynda aqshalaı qarajat alǵan.
Tergeý amaldary barysynda 255 000 AQSh dollary kólemіndegі qarajat anyqtalyp, tárkіlengen. Qalǵan somany ol óz qalaýy boıynsha jumsaǵany anyqtaldy.
Eske sala ketsek, Astana qalasynyń Qylmystyq іster jónіndegі aýdanaralyq sotynyń úkіmіmen Arystanbek Muhamedıuly 8 jylǵa bas bostandyǵynan aıyrylǵan bolatyn. Endі eks-mınıstrdіń ókіlі ustalyp, ýaqytsha ustaý ızolıatoryna qamaldy. Al Muhamedıulynyń jubaıy asa іrі kólemde para berýge oqtalýy boıynsha kúdіktі bolyp tanyldy.
Agenttіk tergeý іsі aıaqtalmaıynsha, ózge de málіmetter jarııalanbaıtynyn habarlady.