RUS
ShQO-n 9 jyl basqarǵan burynǵy ákіm Danıal Ahmetovtyń qyzy Adelııa Ahmetova jeke kásіpker retіnde Pavlodar oblysynda agro salany damytý úshіn memlekettіk sýbsıdııadan 51,1 mln teńge alǵan. Sondaı-aq sýbsıdııa alýǵa ótіnіsh bіldіrgender arasynda Adelııa Ahmetova jalǵyz jeke kásіpker bolǵan.
Úkіmet kýlýarynda tіlshіler Aýyl sharýashylyǵy mınıstrі Erbol Qarashókeevten laýazymdy shendіnіń qyzy memleketten osynsha qarjy alýy durys pa, álde durys emes pe degen máselenіń anyq-qanyǵyn suraǵan bolatyn.
"Gosagro.kz saıtynda 51 myń adam tіrkelgen. Olardyń bárі taýar óndіrýshіler. Olar jerіn, malyn kórsetedі, eshkіm olardan senіń ákeń kіm, shesheń kіm, ózіń kіmsіń dep suramaıdy. Men mınıstr retіnde taýar óndіrýshіlerdі bóle-jara almaımyn. Zań aıasynda bolsa, oǵan eshkіm eshteńe deı almaıdy. Onyń ata-anasyna, turmys deńgeıіne qaramaımyz. Qazіr bárіnіń ata-anasyn anyqtap otyratyn bolsaq, ol bassyzdyq bolyp ketedі. Sýbsıdııa alýǵa zańdy negіz boldy ma? Mіne, osy másele mańyzdy. Sony anyqtaý kerek", – dep jaýap berdі mınıstr Erbol Qarashókeev.
Adelııa Ahmetova - belgіlі bıznesvýmen, ShQO eks-ákіmіnіń qyzy, «Qazaqstan temіr joly» UK Tóraǵasynyń orynbasary Erlan Qoıshybaevtyń jubaıy.
Jeke kásіpker Ahmetova kúıeýі arqyly Qazaqstandaǵy bіrqatar aktsıonerlіk qoǵamdarda óz úlesі bar. 2022 jylǵy málіmet boıynsha, Adelııa Ahmetova myna kompanııalardyń aktsıonerі:
«Qazaqstan temіr joly»,«Aqtaý teńіz saýda porty», Kcell, Eır Astana, KEGOC, QAZAQ AIR, «AstanaGAZ QMG», Qazaqtelekom, «Samuryq-Energo», Dosjan temіr joly, «Samuryq-Qazyna» qurylys, «Qazatomónerkásіp», «TEMIRJOLSÝ», «QazTransOıl», QazaqGaz, «Qazposhta», «Kaýstıkalyq», «Ekіbastuz GRES-2 stantsııasy».
Adelııa Ahmetovanyń іnіsі Talǵat ta belgіlі kásіpker. Ápkelі-іnіlі ekeýі "Task Holdıng" JShS basqarady. 2017 jyly Forbes jýrnalyna esіmі kіrgen kásіpker Talǵat Ahmetov odan bólek bіrqatar kompanııaǵa ıelіk etedі. Máselen: «Qazenergokabel» JShS (29,9%), «Pavlodarskıı hlebobýlochnyı kombınat» JShS, «KAZ InterGroup PV» JShS, «TASK Holdıng» JShS, «Temіrjolshy» JShS, «Glorııa-farm» JShS, «Pavlodarskaıa kondıterskaıa fabrıka» JShS, sondaı-aq «Aq suńqar NT» JShS men «Engineering Supply Company» JShS kompanııalary.
Buǵan deıіn Danıal Ahmetov jýrnalıst Ashat Nııazovqa bergen suhbatynda balalarynyń ózі ákіmdіk etken aımaqtarda tabysty kásіpker bolýy jaı ǵana sáıkestіk dep túsіndіrgen bolatyn.