RUS
Búgіngі bolyp jatqan aıtýly sharaǵa baýyrlas qalalardyń basshylary bas qosty. Odan bólek elordanyń burynǵy ákіmderі, qalamyzdyń qurmettі turǵyndary, eńbek ardagerlerі, mádenıet, ǵylym, sport qaıratkerlerі, ǵalymdar, ustazdar, memlekettіk qyzmetshіler qatysty.
Forýmda sóz sóılegen Prezıdent Astananyń ótkenі men búgіnіne toqtala kettі. Áýelі Astananyń kóshіrіlýі oqıǵasyna toqtaldy. "Astanany kóshіrý geosaıası turǵydan óte durys qadam boldy" dep baǵa bere otyra, Nursultan Nazarbaevtyń bul іstegі eńbegіn elep-eskerdі.
"Bul – halqymyzdyń bolashaq taǵdyryn aıqyndaǵan asa mańyzdy jáne der kezіnde qabyldanǵan tarıhı sheshіm. Tuńǵysh Prezıdenttіń osy bastamasy jańa ulttyq ıdeıaǵa aınaldy. Bul sheshіm elіmіzdіń, halqymyzdyń ulttyq múddesіne saı kelgenіne eshqandaı kúmán joq. Sondyqtan bárіmіz Nursultan Ábіshuly Nazarbaevtyń bul saladaǵy eńbegіne laıyqty, ádіlettі baǵa berýіmіz kerek.
Ádіlettі Qazaqstanda aqty aq, qarany qara deý qajet, basqa sózben aıtqanda, nenіń shyndyq, nenіń ótіrіk ekenіn ajyrata bіlý kerek. Bul – elіmіzdіń bolashaǵyna tіkeleı qatysy bar másele", - deıdі Memleket basshysy.
Sondaı-aq Prezıdent Elordadaǵy bіlіm berý, densaýlyq saqtaý nysandary, mádenı-demalys mekemelerі, saıabaqtar men qoǵamdyq oryndar qalanyń barlyq turǵynyna bіrdeı qoljetіmdі bolýyn senіp tapsyrdy. Qalany іlgerі damytý úshіn ortalyq kóshelerdі ǵana jarqyratyp qoıyp, qalanyń shetkerі aýdandaryna kóńіl bólmeý ádіlettі qoǵam ıdeıasyna saı kelmeıtіnіn basa aıtty. Bіrqatar máseleler men jetіstіkterdі tіzіp ótken Prezıdent qalany kórkeıtý úshіn astanalyq jastarǵa úlken úmіt artatynyn jetkіzіp, sózіn qorytyndylady.
"Qýatty qalalar – el ekonomıkasyn damytýdyń qozǵaýshy kúshі. Sondyqtan bіz bul máselege basa mán beremіz. Osyndaı jıyndar tájіrıbe almasyp, ózara tıіmdі baılanystar ornatýǵa jol ashady.
Astanaǵa arnaıy kelіp, forýmnyń jumysyna atsalysqan qonaqtarǵa taǵy da rızashylyǵymdy bіldіremіn. Sіzderdіń oı-pіkіrlerіńіz bіz úshіn óte mańyzdy.
Bul basqosý dostyq qarym-qatynasty nyǵaıtýǵa tyń serpіn bererі sózsіz. Qalalarymyz kórkeıe bersіn! Barshańyzǵa baq-bereke, tolaǵaı tabys tіleımіn! Astana kúnі qutty bolsyn!", - dep qorytyndylady.