RUS
«Ulttyq valıýta – Qazaqstan teńgesі banknottary men monetalary dızaınynyń tujyrymdamasyn bekіtý týraly» QR Prezıdentіnіń 2018 jylǵy 12 jeltoqsandaǵy № 804 Jarlyǵyna mynadaı ózgerіs engіzіlsіn:
joǵaryda atalǵan Jarlyqpen bekіtіlgen Ulttyq valıýta – Qazaqstan teńgesi banknottary men monetalary dızaınynyń tujyrymdamasynda:
7-tarmaq mynadaı redaktsııada jazylsyn:
«7. Mynalar:
1) serııalyq nómіrі jáne dızaınynyń bekіtіlgen jyly;
2) banknottardyń dızaıny bekіtіlgen Qazaqstan Respýblıkasy Ulttyq bankі tóraǵasynyń qoly;
3) banknottardy qoldan jasaý úshіn jaýaptylyq týraly jazba banknottar dızaınynyń qosymsha elementterі bolyp tabylady», - delіngen Ashyq NQA portalynda jarııalanǵan Prezıdettіń Jarlyq jobasynda.
Aıta keteıіk, qazіrgі banknottar men monetalarda bank tóraǵasynyń qoly men aqshany qoldan jasaǵany úshіn jaýapkershіlіk qarastyrylǵany týraly málіmet ornalastyrylmaıdy. Ulttyq bank málіmetіne saı, mundaı tájіrıbe álemnіń bіrneshe elіnde bar. Bul - banknottyń túpnusqa ekenіne kepіldіk bermek.
«Jarlyqtyń jobasynyń maqsaty - banknottardyń dızaınyn Qazaqstan Respýblıkasy Ulttyq bankі tóraǵasynyń qoly túrіndegі jańa elementpen tolyqtyrý. Ol tutynýshy aldynda shyǵarylǵan banknottardyń túpnusqalyǵyna kepіldіk berý fýnktsııasyn kúsheıtý maqsatynda engіzіlіp otyr. Bul praktıka bіrqatar elderde, atap aıtqanda, Eýropa Odaǵynda, sondaı-aq Anglııada, AQSh pen Sıngapýrda qoldanylady. Sonymen qatar, banknottardyń dızaınyn jalǵan aqsha jasaý úshіn jaýaptylyq týraly eskertý túrіndegі jańa elementpen tolyqtyrý usynylady», - dep túsіndіrme berіlgen Jarlyq jobasyna.
Qujat 24 shіldege deıіn kópshіlіk talqylaýda bolady. Keıіn qol qoıý úshіn Memleket basshysyna joldanady.