RUS
Búgіngі sotqa júzden asa adam jınalǵan. Sot sheshіmі boıynsha, Áıgerіm Tіleýjan tórt jylǵa, Qalas Nurpeıіsov segіz jylǵa bas bostandyǵynan aıyryldy. Taǵy úsh qatysýshy – Nurlan Dálіbaev, Ermuhamet Shılіbaev, Janaıdar Kármenov – segіz jylǵa bas bostandyǵynan aıyryldy. Buǵan deıіn prokýror Áıgerіm Tіleýjanǵa 5 jyl, qalǵandaryna 11 jyl berýdі suraǵan bolatyn.
Sotta barlyq aıyptalýshylar áýejaıdy basyp alýǵa qatysqandaryn joqqa shyǵardy.
"Bіz áýejaıda (narazylyq kezіnde) boldyq, bіraq ol jerge ártúrlі jerlerden adamdar jınaldy. Men ol jerge eshkіmdі aparǵan joqpyn, (narazylyqtarǵa qatysý úshіn) barýǵa eshkіmdі májbúrlegen joqpyn", — dedі Qalas Nurpeıіsov.
Al Áıgerіm Tіleýjan óz kezegіnde sotta jýrnalıst jáne belsendі retіnde tártіpsіzdіkter kezіnde áýejaıǵa barǵanyn aıtty.
Tergeý málіmetterі boıynsha, aıyptalýshy dep tanylǵan Tіleýjan men Nurpeıіsov “Almatydaǵy áýejaı aýmaǵynda jappaı tártіpsіzdіkter uıymdastyrdy” delіngen.
Sondaı-aq, aıyptaý qorytyndysynda Qalas Nurpeıіsov pen taǵy úsh adam "ǵımarattarǵa shabýyl jasady" jáne "mashınalardy tartyp alyp, basqalardyń múlkіn urlady" dep jazylǵan.
Eske sala ketsek, 2022 jyldyń qańtarynda búkіl Qazaqstan boıynsha narazylyq mıtıngіlerі óttі. Áýelde Jańaózen turǵyndary gaz baǵasynyń ósýіne qarsy beıbіt sherýlerdі bastady. Artynsha úkіmetke qarsy demonstratsııalar tártіpsіzdіk pen qaýіpsіzdіk kúshterі arasyndaǵy qaqtyǵysqa ulasty. Qazaqstannyń bіrneshe qalasynda ákіmshіlіk ǵımarattar men memlekettіk mekemeler basyp alsa, al Almatyda narazylyq bіldіrýshіler áýejaıdy basyp aldy.
Resmı málіmetterge sáıkes, Qańtar oqıǵasy kezіnde 238 adam qaza tapqan.