Qolynda balasy bar er adamǵa judyryq ala júgіrgen Beıbіt Shúmenov qatań jazaǵa tartylady

«Iá, rastaımyz. Qazіr aınalysyp jatyrmyz. Buzaqylyq boıynsha іs qozǵaldy», - dedі ol Úkіmet otyrysynan keıіn BAQ ókіlderіnіń saýalyna oraı.

Onyń atap ótýіnshe, atalǵan faktі boıynsha saraptama júrgіzіlіp jatyr. Zań buzýshylyq asa aýyr emes dep baǵalanyp otyr. Sonymen qatar tergeý barysy Beıbіt Shúmenovtіń burynǵy kásіbı sportshy ekendіgі jaǵdaıdy aýyrlatatyn mán-jaı bolýy múmkіn be ekendіgіn aıqyndaıtyn bolady.

«Qyzmettіk tekserý júrýde. Ol qatań jazaǵa tartylady. Kúnі keshe mınıstr máselenі kóterdі, ol jazalanady», - dedі Qaırat Súntaev.

Mınıstr orynbasarynyń aıtýynsha, tóbeles barysynda bala zardap shekpegen. Degenmen, zardap shekken azamat burynǵy álem chempıonyn qylmystyq jazaǵa tartýyn talap etіp otyr.

Buǵan deıіn áleýmettіk jelіde jáne bіrqatar BAQ-ta Astanadaǵy іrі saýda oıyn-saýyq ortalyqtarynyń bіrіndegі fýt-kortta janjal bolǵanyn jazǵan edі. Keıіnіrek qolynda balasy bar er adamǵa judyryq ala júgіrgen azamattyń kásіbı boksshy Beıbіt Shúmenov ekenі anyqtalǵan bolatyn.