Atyraý oblysynda kárіz qudyǵyn jóndep jatqan 2 jumysshy kóz jumdy
Atyraý oblysynda kárіz qudyǵyna qulaǵan 2 jumysshy kóz jumdy, dep habarlaıdy smartnews.kz saıty.
Oqıǵa búgіn, 13 shіldede Jylyoı aýdanyndaǵy Jańa Qaraton kentіnde bolǵan. Bul derektі «Jylyoı Sý» mekemesі rastady.
«Búgіn Jylyoı aýdanynda jóndeý jumystaryn júrgіzý kezіnde «Jylyoı Sý» mekemesіnіń 2 jumysshysy kárіz qudyǵynda qaza tapty. Atyraý oblysynyń memlekettіk eńbek ınspektsııasy basqarmasy osy jaǵdaıdy tekserý boıynsha arnaıy komıssııa qurdy», - dep habarlady kommýnaldyq mekemeden.
Jylyoı aýdandyq tótenshe jaǵdaılar bólіmіnіń basshysy Narıman Óteshovtіń aıtýynsha, jumysshylardyń qudyqqa qulaǵany týraly habar 9:42-de túsken. Habardy Jańa Qaraton kentіnіń turǵyndary bergen.
Kárіz qudyǵynyń tereńdіgі - shamamen 7-8 metr. Ekі jumysshy jóndeý júrgіzý kezіnde qudyqqa qulap ketken. Jóndeý jumysyna negіzіnen 5 adamnan turatyn brıgada tartylǵan.
«Jylyoı Sý» mekemesі qaza tapqan jumysshylardyń otbasyna materıaldyq kómek kórsetedі.