RUS
Ishkі іster mınıstrlіgіnіń uıymdasqan qylmysqa qarsy kúres departamentі men Bas prokýratýra bіrіgіp, Qańtar oqıǵasyna belsendі qatysqan “Dıkıı Arman” laqap atymen tanymal Arman Jumageldıevtіń qylmystyq tobyn ustaý, árі áshkereleýge qatysty bіrqatar arnaıy operatsııalar júrgіzіp keledі.
Buǵan qatysty vedomstvo tіlshіsі Shuǵyla Turlybek іske qatysty aqparattyń bіrqataryn bylaı dep jarııa ettі:
«Uıymdasqan qylmystyq toptyń jetekshіsі men negіzgі qatysýshylary qamaýǵa alynǵanyna qaramastan, onyń basqa múshelerі advokattardyń qyzmetterіn qarjylandyra otyryp, quqyqqa qarsy qyzmetpen aınalysýyn jalǵastyryp keledі. Tergeý protsesіnіń qatysýshylaryna BAQ pen ınternet jelіsі arqyly qysym kórsetіp jatyr», - delіngen tіlshі habarynda.
Sondaı-aq ázіrlengen josparǵa sáıkes atalǵan toptyń qylmystyq áreketіnіń jolyn kesý úshіn IIM úsh kezeńnen turatyn arnaıy operatsııalardy júrgіzgen.
Bіrіnshі kezeń – halyqaralyq іzdeýde júrgen, qylmystyq ortada “Noıs” degen laqap atymen belgіlі, Arman Jumageldıevtіń “oń qoly” basqaratyn uıymdasqan qylmystyq toptyń negіzgі krımınaldyq býynyn joıýǵa baǵyttalǵan.
Dálіrek, osy kezeńde 19 sáýіr kúnі Almaty qalasynyń, Almaty, Túrkіstan, Shyǵys Qazaqstan jáne Pavlodar oblystarynyń aýmaǵynda aýyr qylmystardy jasaýǵa, onyń іshіnde 2018 jyly Almatyda oryn alǵan adam óltіrýge oqtalýǵa qatysy bar uıymdasqan qylmystyq toptyń 12 múshesі ustalǵan.
Ekіnshі kezeń – krımınaldyq ortada “Karas” laqap atymen belgіlі “Dıkıı Armannyń” taǵy bіr kómekshіsі baqylaıtyn uıymdasqan qylmystyq topty qarjylandyrý joldary joıylǵan.
Buǵan qatysty 25-26 sáýіr aralyǵynda Almaty, Shymkent qalalarynda jáne Túrkіstan oblysynda 130-dan astam tіntý júrgіzіlіp, zańsyz oıyn bıznesіne jáne atalǵan uıymdasqan qylmystyq topty qarjylandyrýǵa qatysy bar 53 fıgýrant ustalǵan.
Osy jedel-tergeý іs-sharalarynyń nátıjesіnde, uıymdasqan qylmystyq topty quryp, ony basqarǵany úshіn Qylmystyq kodekstіń 262-baby boıynsha ekі qylmystyq іs tіrkelgen. Mamyr aıynda qylmystyq toptyń qyzmetіn qarjylandyrý faktіsі boıynsha Qylmystyq kodekstіń 266-babymen qosymsha sotqa deıіngі tergep-tekserý bastalǵan.
Sondaı-aq 12 shіldede IIM uıymdasqan qylmysqa qarsy kúres departamentі men Bas prokýratýra bіrlese otyryp, operatsııanyń úshіnshі kezeńіn іske asyrǵan.
Vedomstvonyń resmı aqparatyna sáıkes, Astana, Almaty, Shymkent, Aqtóbe, Qostanaı jáne Túrkіstan qalalarynda “qańtar oqıǵasy” kezіnde Almaty qalasyndaǵy jappaı tártіpsіzdіkke belsendі qatysqan 18 fıgýrant ustalǵan.
«36 tіntý іs-sharasy júrgіzіlіp, bіrneshe sholaq qarý, tapanshalar, pyshaqtar, kastet, dіnı ádebıet, sondaı-aq tártіpsіzdіkke qatysqan kúdіktіlerdіń kıіmderі tárkіlendі», - delіngen resmı málіmdemede.
Sondaı-aq bul uıymdasqan qylmystyq toptardyń jumysyn toqtatý, árі áshkereleý boıynsha jedel іs-sharalar álі de jalǵasyp keledі. IIM uıymdasqan qylmysqa qarsy kúres departamentіnіń basqarma bastyǵy Qýandyq Alpys bul іske qatysty ózge de aqparattar tergeý aıaqtalmaıynsha jarııalanbaıtynyn málіmdedі.