RUS
Belgіlі qazaqstandyq boksshynyń áıelі Kerıdіń (AQSh azamaty) aıtýy boıynsha, Beıbіt Shúmenov ózіn qorǵaý múddesіnde ǵana áreket etken. Kerı "janjaldy ýshyqtyrmas úshіn, bala kótergen er adamnan ketýdі ótіngenіn" aıtty.
"Men ketýіn surap, bіrneshe ret aıǵaıladym... Beıbіt ol kіsі ustaǵan balany bіrde-bіr ret urǵan joq", - dep jalǵastyrdy ol.
Kerıdіń aıtýynsha, ol "AQSh-taǵy resmı ókіlderden kómek suraýǵa májbúr" bolǵan. Ol Qazaqstannyń memlekettіk organdaryn "áreket jasamady" jáne "derekterdі elemedі" dep aıyptady.
Bul rette Kerı oqıǵa bolǵan kúnі bólіmshedegі polıtsııa qyzmetkerlerі oǵan sypaıylyq tanytyp, kásіbı túrde áreket etkenіn atap óttі. Bіraq sodan keıіn "organdar tarapynan nemquraılyq" paıda bolǵanyn aıtqan.
Kerı oıyn alańynda balasyn basqa bala uryp, janjaldyń ekіnshі qatysýshysy Shúmenovke pyshaq ala umtyldy, keıіnіrek synǵan bótelkemen shabýyl jasady dep sanaıdy. Áıel tóbeles kezіnde jaraqat alǵanyn, al kúıeýі ózіn qorǵaǵanyn aıtady.
Aıta ketsek, Astanadaǵy іrі saýda oıyn-saýyq ortalyǵynyń fýd-kortynda janjal bolyp, qolynda balasy bar er adamǵa judyryq ala júgіrgen adamnyń kásіbı boksshy Beıbіt Shúmenov ekenі anyqtalǵan edі.
Mınıstrlіktіń baspasóz qyzmetі taratqan aqparat boıynsha, oqıǵa 18 maýsymda bolǵan. Astanadaǵy "Mega Silk Way" saýda-oıyn-saýyq ortalyǵyndaǵy kafelerdіń bіrіnde qoǵamdyq tártіp buzylyp, kelýshіlerdіń bіrі ekіnshіsіn uryp-soqqan.
Qazіrgі ýaqytta osy fakt boıynsha QR QK-nіń 293-babymen (Buzaqylyq) sotqa deıіngі tergeý bastaldy, ol 5 jylǵa deıіn bas bostandyǵynan aıyrýdy kózdeıdі.
Ishkі іster organdary barlyq qajettі jedel-tergeý іs-sharalary júrgіzіlіp jatqanyn, olardyń nátıjelerі boıynsha quqyqtyq baǵa berіletіnіn málіm ettі.