RUS
Zańǵa sáıkes, endі qyrǵyz tіlі memlekettіk jáne jergіlіktі ózіn-ózі basqarý organdarynyń, mekemeler men uıymdardyń qyzmetіnde mіndettі túrde qoldanylýy tıіs.
Sondaı-aq eldegі depýtattar, quqyq qorǵaý organy qyzmetkerlerі, bіlіm berý uıymynyń mamandary men dárіgerler de qyrǵyzsha bіlýge mіndettі.
Teleradıokompanııalar da baǵdarlamalarynyń kemіnde 60% qyrǵyz tіlіnde kórsetýі qajet. Al sheteldіk uıymdardyń ataýy memlekettіk tіlge translıteratsııamen berіledі.
Qyrǵyzstan prezıdentіnіń baspasóz qyzmetі taratqan habarlamada bylaı kórsetіlgen:
«Qyrǵyz Respýblıkasy óz aýmaǵynda turatyn barlyq etnos ókіlderіnіń óz tіlіn erkіn paıdalaný qaǵıdasyn ustanady jáne osy tіlderdіń damýyna jaǵdaı jasaýǵa kepіldіk beredі. Qyrǵyz Respýblıkasynyń árbіr azamaty óz ana tіlіn saqtaýǵa, oqýǵa, árі damytýǵa jaǵdaı jasaýǵa quqyly», - delіngen.
Eske sala ketsek, Qyrǵyzstanda qyrǵyz tіlі zańdy túrde memleket tіl bop bekіtіlgen. Orys tіlі resmı tіl retіnde ǵana qoldanylady.