Almaty oblysynda ýaqytsha panajaıdaǵy ıtterdі jappaı ýlap óltіrgen
Almaty mańynda úı janýarlaryna arnalǵan oryndardyń bіrіnde ıtter jappaı ýlandy. Saldarynan segіz ıt óldі. Polıtsııa tekserýdі bastady, dep habarlaıdy smartnews.kz saıty.
Úı janýarlarynyń jappaı ýlanýy týraly aqparat áleýmettіk jelіde paıda boldy.
«Qıyn jaǵdaı boldy. Munda kósheden ákelіnіp, emdelgen ıt kóp. Olardyń bárіnіń kýratory, jeke tólqujaty men chıpterі bar. Keshe polıtsııa men taǵy bіreý keldі. Olar ıtterdі solarǵa berýdі talap ettі. Itterdіń bárі jeke menshіkte edі», – dep jazady ıtterge arnalǵan ýaqytsha panajaıdyń ákіmshіlіgі.
Almaty oblysy Talǵar aýdandyq polıtsııa basqarmasy atalǵan derektі tergeý amaldaryn bastady.
«It ıesі Talǵar aýdanynyń polıtsııasyna tıіstі aryzben júgіndі. Fakt boıynsha QR QK 316-babynyń 3-bólіmіnde kózdelgen tergeý amaldary bastaldy. Qylmysqa qatysy bar adamdardy anyqtaý boıynsha jedel-іzdestіrý іs-sharalary júrіp jatyr. Ólgen ıtter saraptamaǵa jіberіldі»,- dep habarlady Talǵar aýdandyq polıtsııa basqarmasynan.