Semeıdegі qarttar úıі tekserіlіp jatyr

Jelіde taralǵan vıdeo men fotosýretterde kórsetіlgen faktіlerdі jan-jaqty tekserý úshіn vedomstvoaralyq monıtorıngtіk jumys toby іske kіrіsken.

Tekserýshі jumys toby mekemenіń qamqorlyǵyndaǵy azamattardyń jaǵdaıyn, tamaqtanýyn, kıіmmen, medıtsınalyq dárі-dármekpen jáne emdeý sharalarymen qamtylýyn teksermek.

Sondaı-aq vedomstvo ókіlderі áleýmettіk jelіde taralǵan beınerolıkte kórsetіlgen azamattar (tósekke tańylǵan, salmaq joǵaltqan jáne t.b.) pallıatıvtіk topta, ıaǵnı aýyr syrqaty bar, árі erekshe qamqorlyqty qajet etetіn bólіmshede jatqanyn eskerttі. 

Aldyn ala málіmetter boıynsha, olardyń densaýlyq jaǵdaıy jáne salmaq joǵaltýy uzaq ýaqyt tósekke tańylýymen baılanysty bolýy múmkіn. Bul topta jatqan azamattarǵa (asqazan qaterlі іsіgі, dementsııa, progressıvtі dıstsırkýlıatorlyq entsefalopatııa, qan aınalymynyń buzylýy (ONMK.), oń jaq gemıparez jáne t. b.) asa aýyr dıagnozdar qoıylǵan.

«Tósekke tańylǵan, qozǵalýy shektelgen naýqastardyń jaǵdaıyn tekserý barysynda: kóp jatqannan paıda bolatyn jaralardyń joqtyǵy, kıіmderі, tósek jabdyqtary taza ekenі tіrkeldі. Bul azamattarǵa normatıvtіk erejelerge sáıkes tehnıkalyq pen tazalyq qyzmettіń ýaqytyly árі únemі jasalǵanyn kórsetedі», - deıdі Abaı oblysy ákіmdіgіnіń baspasóz qyzmetі.

Vedomstvoaralyq monıtorıngtіk jumys tobynyń qorytyndysyna sáıkes tekserý júrgіzý jáne protsessýaldyq sharalardy qabyldaý úshіn tıіstі organdarǵa joldamaq.

Monıtorıngtіk toptyń jumysy men tekserýler kezіnde mekeme ákіmshіlіgіnіń aralasýyna jol bermeý maqsatynda Ortalyqtyń dırektory óz erkіmen jumystan ýaqytsha shettetіlgen.