RUS
Atalǵan qabіr Ál-Farabı atyndaǵy Qazaq ulttyq ýnıversıtetіnіń arheologııalyq ekspedıtsııasy tarıh ǵylymynyń doktory, qaýymdastyrylǵan professor Dosbol Baıǵonaqovtyń jetekshіlіgіmen tabylǵan.
Dalalyq jumystar barysynda aýyldyń ońtústіk shetіndegі Kіshі Almaty ózenі jaǵalaýyndaǵy qorǵan zerttelgen. Qorǵannyń ortalyq bólіgіnen 1,2 m tereńdіkten bіr deńgeıde jatqan, bіraq jerleý rásіmіnde aıyrmashylyqtary bar ekі qabіr arshylǵan.
Bіrіnshі jerleý orny batystan shyǵysqa qaraı baǵyttalyp, usaq tastardyń ústіnde jatyr. Jerlengen adamnyń bas jaǵyna janýarlardyń súıekterі, sondaı-aq qumyralar, alasa shynyaıaqtar men tostaǵandar túrіndegі qysh ydystar qoıylǵan. Sonymen qatar jerleý ornynan qola aına men altyn folgaǵa oralǵan monshaq tabylǵan.
Ókіnіshtіsі, jerleý shuńqyrynyń shyǵys bólіgі tonalǵan. Sebebі qańqa súıekterіnіń kópshіlіgі joq. Árі bіrtutas áshekeı buıymdy quraǵan altyn monshaqtardyń kóp bólіgі qoldy bolǵan.
Ekіnshі jerleý orny bіrіnshіsіnen ońtústіkke qaraı 1,5 m jerde ornalasqan. Ol jerde tas tósendіsі joq, ońtústіk-batystan soltústіk-shyǵysqa baǵyttalyp jatqyzylǵan. Jerleý ornynan alty keramıkalyq ydys pen ústіne pyshaq qoıylǵan maldyń súıekterі anyqtalǵan. Sondaı-aq bas súıegіnіń sol jaǵynan qola aına tabylǵan. Bas súıektіń ústіnen áshekeı bolýy múmkіn altyn folga qaldyqtary arshyldy. Baǵaly tastarmen kómkerіlgen altyn syrǵa, altyn monshaq bólіgі tabylǵan. Al oń qol saýsaqtarynyń tusynan saqtarǵa tán akınak (qanjar) tabylyp otyr.
Jerleý rásіmіne qaraǵanda, bul qabіrler ártúrlі ýaqyt aralyǵynda salynǵan.
Ekspedıtsııa jetekshіsіnіń pіkіrіnshe, qorǵan úıіndіsіnіń astynda taǵy da jerleý oryndary bolýy múmkіn. Keleshekte qorǵan tolyǵymen zerttelmek. Qazіrgі ýaqytta tabylǵan barlyq olja dalalyq zerthana jaǵdaıynda zerttelіp jatyr.