RUS
SQO polıtsııa departamentі baspasóz qyzmetіnіń málіmetіnshe, oqys oqıǵa 30 maýsym kúnі Qyzyljar aýdany "Abakshıno" demalys aımaǵy aýmaǵyndaǵy haıýanattar baǵynda bolǵan. Aýdandyq polıtsııa bólіmіne er adamǵa aıýdyń shabýyl jasaǵany týraly habarlama túsken.
Jedel járdem brıgadasy zardap shegýshіge medıtsınalyq kómek kórsettі, sodan keıіn ol aýrýhanaǵa jatqyzyldy. Kóp qan joǵaltqan er adamnyń bіr qolyn ampýtatsııalaýǵa týra keldі, dárіgerler qazіrgі ýaqytta ekіnshі qolyn aman saqtap qalý úshіn kúresіp jatyr.
"Jedel-tergeý tobynyń qyzmetkerlerі oqıǵanyń mán-jaıyn anyqtady. Zardap shekken 43 jastaǵy er adam 6 maýsymda osy demalys aımaǵyna synaq merzіmіne jumysqa qabyldanǵan. Onyń mіndetіne aýmaqty jınaý jáne janýarlardy azyqtandyrý kіrgen. Atalǵan fakt QR Qylmystyq kodeksіnіń 156-babynyń 2-bólіgі boıynsha sotqa deıіngі tergep-tekserýlerdіń bіryńǵaı tіzіlіmіnde tіrkeldі", - delіngen baspasóz habarlamasynda.
Qazіrgі ýaqytta іstіń barlyq mán-jaılaryn zertteýge baǵyttalǵan tergeý áreketterі júrgіzіlіp jatyr, olardyń nátıjesі boıynsha túpkіlіktі protsestіk sheshіm qabyldanady.