«Shaǵymym joq»: Túrkіstan oblysynda alyp qashyp kelgen qalyńdyqqa qolhat jazdyrǵan
Áleýmettіk jelіlerde qalyńdyqtyń kúlіp qolhat jazyp otyrǵan vıdeosy tarady. Vıdeo avtory bul jaıttyń Jetіsaı qalasynda bolǵanyn jazǵan.
Qazіr kúıeý jіgіttіń týystary «Qalyńdyqtyń eshqandaı talaby joq jáne bolmaıdy» dep qolhat jazyp berýіn suraıdy. Osyndaı legalızatsııa, - dep jazylǵan vıdeonyń astyndaǵy sıpattamada.
Vıdeoda qolhat jazdyryp otyrǵan jіgіttіń týysy da qalyńdyqqa: «Óz nemmen keldіm dep jazasyń, boldy. Eshqandaı eshkіmge nem joq deısіń, boldy», - dep qoıady.
Túrkіstan oblysynyń PD baspasóz qyzmetі bul faktі boıynsha dereý tekserý júrgіzіlgenіn naqtylady. 20 jastaǵy boıjetken Asyqata aýylynyń 24 jastaǵy turǵynyna óz erkіmen turmysqa shyqqan.
Áńgіmelesý barysynda ol eshkіmge shaǵymy joq ekenіn jáne eshqandaı zańbuzýshylyqtyń bolmaǵanyn túsіndіrdі, - dep málіmdedі polıtsııa.