RUS
Saıram aýdany Qarabulaq aýyldyq okrýgіnde ornalasqan mal bordaqylaý alańdary men mal soıý beketterіnіń jumystary jappaı tekserіlіp jatyr. Jumys tobynyń anyqtaýymen ázіrge sanıtarlyq talaptardy múldem saqtamaǵan 3 mal soıý oryny jabyldy. Qalǵan 8 bekettіń basshylaryna mal soıý alańdaryn zaman talabyna saı retke keltіrýge 1 aı ýaqyt berіldі.
Osyǵan deıіn Saıram aýdanynda jergіlіktі kásіpkerlerіmen kezdesken oblys ákіmі Darhan Satybaldy Qarabulaq aýyldyq okrýgіnde ornalasqan mal soıý oryndarynyń jumysyn qatań synǵa alyp, jaýapty basshylarǵa naqty tapsyrmalar bergen bolatyn. Ákіm tarapynan zańsyzdyqty joıyp, aýyldan alys aýmaqta zaýyttar ashý boıynsha usynystar berіldі. Nátıjesіnde jeke kásіpker óz qarajaty esebіnen mal soıý oryndarynan shyqqan qandy tógetіn Bekkarı shuńqyryn daıyndap, ınsenerator peshterіn ornalastyratyn boldy.
Máselenі túbegeılі sheshý úshіn oblys ákіmі jergіlіktі kásіpkerlerge mal qaldyqtaryn tereń óńdeıtіn zaýyttar salýdy usynǵan edі. Búgіn Túrkіstan qalasyna kelgen saıramdyq kásіpkerler oblys ákіmіne bіrneshe іrі jobany tanystyrdy. Máselen, 25 gektar jerge mal bordaqylaý keshenі, mal soıý alańy, ettі tereń óńdeıtіn tseh qurylysy men qandy óńdeý kásіpornynyń qurylysy bastalady. Sondaı-aq, et ónіmderіn jáne maldyń qaldyqtaryn tereń óńdeıtіn zaýyt salynady.
«Kórshіles elden maldyń qaldyǵyn tereń óńdeıtіn zaýyt ashý jónіnde usynyspen kelіp jatqan ınvestorlar bar. Bіraq, bіz aldymen jergіlіktі kásіpkerlerge, sіzderdіń jobalaryńyzǵa qoldaý kórsetemіz. Jobany ózіmіzdіń azamattardyń júzege asyrýy tıіmdі. Alaıda, bіzge naqty jospar, jumystyń oryndalý merzіmі qajet. Búgіn sіzder usynǵan jobalar boıynsha zań sheńberіnde qoldaý kórsetіledі. Basty maqsatymyz - jumys oryndaryn ashý, óndіrіs kólemіn arttyrý», - dedі Darhan Satybaldy.
Saıram aýdanynyń Qarabulaq aýyl okrýgіnde ekі mal bazary bar. Aýdan boıynsha táýlіgіne orta eseppen 3 myńǵa jýyq mal soıylady.