RUS
Astana ákіmdіgіnіń resmı saıty bergen aqparatqa sáıkes, Nura aýdanynda 6 turǵyn úı keshenіnen qalanyń kelbetіn buzatyn 60-tan astam mańdaısha men syrtqy jarnama alynyp tastalǵan. Sebebі olardyń bárі 2019 jyly bekіtіlgen Astana dızaın kodyna sáıkes emes bop shyqty.
- Kásіpkerlerge dızaın kod boıynsha qıyn talaptar qoıylǵan joq. Eń bastysy, belgіler ǵımarattyń qasbetіne beıіmdelýі kerek jáne vızýaldy shý týdyrmaýy kerek. Qala úlkeıіp, damyp keledі jáne onyń bіrtutas kelbetі bolýy tıіs, – dep atap óttі Nura aýdany ákіmі orynbasarynyń mіndetіn atqarýshy Álııa Ábsemetova.
Aýdan ákіmdіgі ókіlderіnіń aıtýynsha, ortalyq kósheler boıynda ornalasqan taǵy 4 turǵyn úı keshenі kezekte tur. Bіrte-bіrte aýdandaǵy belgіler men jarnamalardyń bárі retke keltіrіlmek.
Eske sala ketsek, Astanada qala kelbetіn dızaın kodqa sáıkestendіrý boıynsha jumys belsendі túrde júrіp jatyr. Qazіrgі ýaqytta 1500-den astam zańsyz ornatylǵan belgі men jarnamalyq banner monıtorıng nátıjesіnde alynyp tastaldy.