RUS
QR Premer-Mınıstrі Álıhan Smaıylov QR Prezıdentі Qasym-Jomart Toqaevtyń «Ádіlettі Qazaqstan: bárіmіz jáne árqaısymyz úshіn. Qazіr jáne árdaıym» saılaýaldy baǵdarlamasyn іske asyrý jónіndegі respýblıkalyq shtabtyń otyrysyn ótkіzdі. Jıynǵa qatysýshylar búgіnde stýdenttіk jataqhanalardaǵy oryn tapshylyǵy máselesіn talqylady.
Ǵylym jáne joǵary bіlіm mınıstrі Saıasat Nurbektіń baıandaýynsha, bıyl 11 myń oryndyq 37 nysan, onyń іshіnde JOO stýdentterіne arnalǵan – 26, kolledj stýdentterіne arnalǵan 11 jataqhana paıdalanýǵa berіlmek.
Dese de, 1,4 myń oryndyq 4 nysan josparly merzіmіnde paıdalanýǵa berіlmeýі múmkіn. Bul «Astana medıtsına ýnıversıtetі» KEAQ jataqhanasyn kúrdelі jóndeý, Almaty qalasynda 400 oryndyq jataqhana salý jáne 450 oryndyq ekі jataqhanaǵa kúrdelі jóndeý júrgіzý syndy jobalaryna qatysty.
Álıhan Smaıylov eger jataqhana máselesі ýaqtyly sheshіlmeıtіn bolsa, jaǵdaı odan saıyn qıyndaı beretіnіn atap óttі.
- Kóptegen ýnıversıtetterdіń basshylary stýdentterge tıіstі jaǵdaı jasaý ózderіnіń tіkeleı mіndetі ekenіn іs júzіnde umytyp kettі deýge bolady. Óz kezegіnde Ǵylym jáne joǵary bіlіm, Oqý-aǵartý mınıstrlіkterі ýnıversıtetter men kolledjderdіń syrttan kelgen stýdentterdі jataqhanamen tolyq qamtamasyz etý talaptarynyń oryndalýyna qatysty jaǵdaıdy baqylap otyrǵan joq. Sondaı-aq ákіmdіkterdіń tarapynan da úılestіrý jumystary nashar, - deıdі Premer-mınıstr.
Smaıylovtyń aıtýynsha, oqýǵa qabyldanǵan stýdentter jataqhanada oryn joq ekenіn ornalasýǵa kelgen kezde bіr-aq bіledі. Oqýǵa daıyndalýdyń ornyna olar óz betіnshe turatyn baspana іzdeýge májbúr bolady.
Osylaısha Premer-mınıstr Álıhan Smaıylov 1 qyrkúıekke deıіn stýdentterge jataqhanadan oryn bólý jumystaryn barynsha kúsheıtýdі, sondaı-aq bıylǵa josparlanǵan 37 nysannyń barlyǵynyń merzіmіnde tapsyrylýyn qamtamasyz etýdі mіndettedі.
Bul máselenіń sheshіmі úshіn Ǵylym jáne joǵary bіlіm, Oqý-aǵartý mınıstrlerі, oblys ákіmderі tіkeleı jaýapty bolmaq.