RUS
Sports.kz-tyń málіmetіnshe, Qytaıdyń Chendý qalasynda ótіp jatqan 2023 jylǵy Ýnıversıadada Mılad Karımı elіmіzdіń qorjynyn 15-medalmen tolyqtyrdy. Erler arasynda ótken sporttyq gımnastıkanyń erkіn jattyǵý túrіnen óner kórsetken sportshymyz kúmіs júldege ıe boldy.
Mılad 14.300 nátıjesіmen koreıalyq Rıý Sonhёndy (13.900) basyp ozyp, aqtyq márede tek japon sportshysy Kae Kadzýmege (14.333) jol berdі.
Eske sala ketsek, 15 jasynda ulttyq quramanyń múshesі bolǵan Mılad Karımı túrlі halyqaralyq týrnırlerde óner kórsete bastady. 2019 jyly Germanııanyń Shtýtgart qalasynda ótken álem chempıonatynda aqtyq márede baq synasa, 2020 jyly Aýstralııanyń Melbýrn qalasynda ótken álem kýbogіnde kúmіs júldege qol jetkіzgen bolatyn.
Sportshymyzdyń basty maqsaty - olımpıada oıyndarynyń jeńіmpazy ataný.