RUS
Operatsııa barysynda polıtsııa sheteldіkter kóp turatyn jerlerdі, qurylys nysandaryn, bazarlardy, sheteldіkterdіń jaldamaly eńbegіn paıdalanatyn uıymdar men jumys berýshіlerdі teksergen.
«Operatsııanyń 8 kúnіnde 9 213 kóshі-qon zańnamasyn buzýshylyq anyqtaldy. Onyń іshіnde 5 113-і sheteldіkterdіń elde bolý merzіmіn buzýymen baılanysty. Ózderіne kelgen sheteldіkter týraly polıtsııany ýaqtyly habardar etpegenі úshіn 3 631 jeke jáne zańdy tulǵa jaýapqa tartyldy», - dedі Ishkі іster mınıstrlіgіnіń onlaın-brıfıngіsіnde vedomstvo ókіlі Shuǵyla Turlybek.
Kóshі-qon zańnamasyn buzýshylardy elden shyǵarý týraly 674 sot sheshіmі shyǵaryldy.
«Barlyq shyǵarylǵan adamdarǵa Qazaqstanǵa kіrýge 5 jylǵa tyıym salyndy. Óz elіnde qylmys jasaǵany úshіn іzdeýde júrgen 22 sheteldіk ustaldy. Reıd júrgіzý kezіnde Jambyl oblysynda elіmіzge zańsyz kіrgen Pákіstannyń 9 azamaty ustaldy. Almatyda 2022 jylǵy qarashada memlekettіk shekarany zańsyz kesіp ótken Qyrǵyz Respýblıkasynyń azamaty ustaldy. Osy faktіler boıynsha sotqa deıіngі tergeý, sondaı-aq zańsyz ımmıgranttarǵa baspana bergen adamdarǵa qatysty da tergeý júrgіzіledі», - dedі Sh. Turlybek.