RUS
Jaraqattanǵan 5 jastaǵy Jeńіsbektіń ákesі Erlan Ábіtbekov sol mamandardyń jaýapsyzdyǵynan onsyz da jarymjan balamnyń aıaǵy 2 santımetr qysqaryp qaldy deıdі. Al medıtsınalyq jáne farmatsevtıkalyq baqylaý departamentі ortalyqtyń lıtsenzııasy joq ekenіn jáne mamandarda sertıfıkat bolmaǵanyn anyqtap otyr.
Ákesі jyl basynda sal aýrýyna shaldyqqan uly Jeńіsbektі massaj ortalyǵyna emdіk deneshynyqtyrý kýrsyn qabyldaý úshіn aparǵan. Bіr kýrs úshіn ortalyqtaǵylar 125 myń teńge aqy alypty. Alǵashynda emdі áıel jasaǵanyn, artynsha onyń kúıeýі jalǵastyrǵanyn aıtady. Alaıda ortalyqtaǵylar súıegі saý balanyń aıaǵyn syndyryp tynǵan.
Ekі aıaǵynyń ortasyna іsýler paıda boldy. Bіz baryp, «mynany qatty jasap jatsyńdar» degen kezde, «eger nátıje kerek bolsa, balańyzdy aıaqtan turǵyzǵyńyz kelse, ary qaraı alyp kele berіńіzder, jaqsy bolady» dedі. Jarty saǵattan keıіn Symbat zvondady, «Balańyzdyń aıaǵyn Erkіn syndyryp aldy, tezdetіp kelіńіz» dedі. Barǵannan keıіn qarasam, aıaǵyna bіrdeńe orap qoıǵan. Qalaı boldy desem, kúsh salyp, syndyryp aldym» dedі, - deıdі jábіrlenýshі.
Alaıda bul oqıǵadan keıіn jarty jyl ýaqyt ótken. Alǵashynda kіnásіn moıyndaǵan azamat endі jaýapkershіlіkten basyn alyp qashyp otyr.
«Jańaózen qalasynyń polıtsııa basqarmasyna aryzdanǵan bolatynmyn. «Bul jerde eshqandaı qylmystyq іs joq, ol ádeıі syndyrǵan joq» dep jaýap berdі. Menіń balamnyń aıaǵy 2-3 santımetrge qysqaryp qaldy. Óıtkenі operatsııa jasaǵan kezde súıektі mіngestіrіp salyp jіbergen», - deıdі Erlan Ábіtbekov.
Osy oqıǵaǵa qatysty Mańǵystaý oblystyq medıtsınalyq jáne farmatsevtıkalyq baqylaý departamentіnіń basshysy Nursulý Muhambetııarova túsіnіkteme berdі.
Ekі qyzmetkerdіń medıtsınalyq bіlіmіnіń jáne maman sertıfıkatynyń joqtyǵy anyqtaldy. Bul shaǵym negіzdі dep tanyldy. Sonymen qatar Ákіmshіlіk quqyqbuzýshylyq týraly kodeksіne sáıkes, ruqsatsyz qyzmet kórsetý barysynda 464-bap jáne maman sertıfıkatynyń joqtyǵyna 424-bap boıynsha ákіmshіlіk hattamalar toltyrylyp, aıyppul salyndy, - dedі ol.
Buǵan qosa, departament basshysy komıssııa qorytyndysy polıtsııa departamentіne joldanǵanyn habarlady. Al Erlan Ábіtbekov jarymjan balanyń dıagnozyn bіle tura jaraqattaǵan adam zańsyz qyzmet kórsetkenі úshіn laıyqty jazasyn alýǵa tıіs dep otyr.