RUS
«Bıyl halyqtan zańsyz saqtalǵan qarý-jaraqtardy satyp alý aktsııasy 10 sáýіrde bastaldy. Ony ótkіzýge respýblıkalyq bıýdjetten 88 mln teńgeden astam qarajat bólіndі. Búgіngі kúnі polıtsııaǵa erіktі túrde jalpy sommasy 84 mln bolatyn 1 181 bіrlіk qarý, 18 myńnan astam oq-dárіler tapsyryldy», - dedі basqarma bastyǵy mınıstrlіktіń baspasóz alańynda ótken brıfıngte.
IIM ókіlіnіń atap ótýіnshe, polıtsııa departamentterі aldyn ala usynǵan málіmetterge sáıkes, Astana, Almaty, Shymkent qalalarynda, Aqmola, Aqtóbe, Almaty, Atyraý, Qaraǵandy, Qostanaı, Mańǵystaý, Soltústіk Qazaqstan, Jetіsý jáne Ulytaý oblystarynda bólіngen qarajattyń ıgerіlýіne baılanysty aktsııa toqtatylǵan.
«Taldaý kórsetkendeı, qarýdyń eń kóp tapsyrylǵany Túrkіstan oblysynda – 187, Jambyl oblysynda – 134, Qyzylorda oblysynda – 94, Abaı, Aqmola, Aqtóbe, Shyǵys Qazaqstan, Qaraǵandy jáne Pavlodar oblystarynda – 60 bіrlіkten astam. Azamattardyń zańsyz saqtalǵan qarý-jaraqty erіktі túrde tapsyrý tártіbі Ishkі іster mınıstrіnіń 2015 jylǵy 27 naýryzdaǵy № 266 buıryǵymen bekіtіlgen qaǵıdaǵa sáıkes júrgіzіledі. Zańsyz saqtalǵan qarý-jaraq zattaryn erіktі túrde ótemaqyǵa tapsyrýǵa nıet bіldіrgen azamat, eger onyń áreketterinde ózge quqyq buzýshylyq quramy bolmasa qylmystyq jáne ákіmshіlіk jaýapkershіlіkten bosatylady», - dedі Asylbek Ydyrysov.
Sondaı-aq basqarma bastyǵy óz erkіmen qarý tapsyrǵandar qansha teńgeden ótemaqy alǵanyn aıtty.
«Qarýdy ótemaqyǵa tapsyrǵany úshіn tólenetіn tólemder mólsherі olardyń túrіne, tehnıkalyq kúı-jaıyna baılanysty ár bіrlіgі úshіn 34 myńnan 345 myńǵa deıіngі aralyqta bolady. Syıaqy kólemіn ár oblystyq, qalalyq jáne aýdandyq polıtsııa organdarynda qurylatyn komıssııalar belgіleıdі», - dedі ol.
Málіm etіlgendeı, krımınalıst-mamannyń qorytyndysy negіzіnde atys qarýy, oq-dárі nemese jarylǵysh zat retіnde tanylmaǵan, IIM bazasynda «Tіrkelgen qarý» jáne «Krımınaldyq qarý» esebіnde turǵan qarý-jaraqtarǵa, qoldan jasalǵan, sondaı-aq tegіs uńǵyly, gazdy jáne jaraqat salatyn patrondarǵa syıaqy tólenbeıdі.