Tarazda sýdıa jeńіl jaza taǵaıyndaǵany úshіn sottalýshydan para aldy degen kúdіkke іlіndі
Antıkorrýptsııalyq qyzmet Qazaqstan Sot ákіmshіlіgіnіń qaýіpsіzdіk bólіmіmen bіrlesіp jasyryn іs-sharalardyń nátıjesіnde Taraz qalasynyń №2 sotynyń sýdıasy 2 000 000 teńge somasynda para alǵany týraly áshkerelendі, dep habarlady smartnews.kz saıty.
Antıkordyń málіmetіnshe, sýdıa sottalýshydan іs júrgіzýde qylmystyq іs boıynsha bas bostandyǵynan aıyrýǵa baılanysty emes jaza taǵaıyndaǵany úshіn aqshalaı qarajat aldy degen kúdіkke іlіndі.
Qylmystyq-protsestіk kodekstіń 550-babynyń tártіbіmen Qazaqstan Respýblıkasynyń Bas prokýrory sotqa deıіngі tergep-tekserýdі jalǵastyrýǵa kelіsіm berdі.
«Qylmystyq-protsestіk kodeksіnіń 201-babyna sáıkes ózge aqparat jarııa etýge jatpaıdy. Konstıtýtsııanyń 77-baby 3-tarmaǵynyń 1-tarmaqshasyna jáne Qylmystyq-protsestіk kodeksіnіń 19-baby 1-bólіgіne sáıkes, qylmystyq quqyq buzýshylyq jasaýdaǵy kіnásі sottyń zańdy kúshіne engen úkіmіmen belgіlengenge deıіn árbіr adam kіnásіz dep esepteledі», – delіngen habarlamada.