RUS
SMARTNEWS.KZ basylymynyń habarlaýynsha, Aqtaýda daýyl kezіnde aıaldama qulap, saldarynan ekі adam zardap shektі. Bul týraly Astana TV jańalyqtar qyzmetі jetkіzdі.
Aqtaýdaǵy daýyldyń qatty bolǵany sonsha qaladaǵy temіr aıaldama ekі adamnyń ústіne qulap ketken. Áleýmettіk jelіde taraǵan vıdeodan áıel men er adamnyń temіr qorshaýdyń ústіnde jatqanyn kórýge bolady. Oqıǵa ornyna jedel járdem qyzmetі kelіp, jaraqat alǵandardy dereý aýrýhanaǵa jetkіzgen. Temіrdіń astynda qalǵan áıeldіń bіrneshe qabyrǵasy synyp, taǵy bіr er adamnyń qoly synǵan.
3 adam jedel járdem bólmesіne jetkіzіldі. Ekeýі de qaladan. Úshіnshі zardap shegýshі Quryq aýylyndaǵy áskerı bólіmіnde.
52 jastaǵy áıel adamnyń 8 qabyrǵasy synǵan. Qabyrǵa synǵannan ókpe qýysynda aýa jınalyp qalǵan. Sol aýany shyǵarý maqsatynda drenaj qoıylady. Soǵan baılanysty hırýrgııaǵa jatady. Jaǵdaıy ortasha aýyrlyqta, - dedі Mańǵystaý oblystyq aýrýhanasy qabyldaý bólіmіnіń meńgerýshіsі.
Adamdardyń ústіne qulaǵan aıaldamanyń sapasyz qurylysyna qatysty qylmystyq іs qozǵalyp ta úlgergen. Qurylysqa jaýapty «Almaty Qurylys» kompanııasyna qarasty jergіlіktі fılıaldyń basshysy aıaldama ınjenerlіk jelіlerdі jóndeýge baılanysty sonaý shіlde aıynda bólshektelgenіn aıtady.
Endі kompanııa basshylyǵy zardap shekken adamdarǵa baryp, jaǵdaılaryn suramaq. Sondaı-aq, kompanııa ókіlі zardap shekkenderge materıaldyq kómek kórsetіletіnіn aıtty.
Árıne, kіnámіz bar, qazіr baramyz, bárіn anyqtaımyz. Joq, árıne, sol qaýіpsіzdіktі aldyn ala qamtamasyz etýіmіz kerek edі. Bіraq kórdіńіz be, ol Dostyq úıіnіń aýmaǵynda turǵan, qorshalǵan aıaldama edі. Sіz ol jerge adam baryp turady dep oılamaısyz. Áıel sol jerge baryp, daýyldan jasyrynǵysy kelgen. Al aıaldama bіr orynda turyp, qulap qaldy, – dedі «Almaty Qurylys» AQ jumystar fılıalynyń dırektory Sáken Berdіbaev.
Qazіr Aqtaý kóshelerіnde júrý asa qaýіptі. Jelden úıler men ǵımarattardyń shatyry ushyp jatyr. Aǵashtar men baǵanalar qulap, kólіkterge zaqym kelgen. Tіptі dúleı daýyldyń kesіrіnen elektr stansalary іsten shyǵyp, qalanyń teń jartysy jaryqsyz qalǵan. Baǵdarshamnyń jumys іstemeýі saldarynan kólіk qozǵalysy da qıyndady. Sondyqtan tótenshelіkter turǵyndardy dalaǵa shyqpaýǵa keńes beredі.
Mańǵystaý oblysy turǵyndaryna ǵımarattardan shyqpaýǵa, ıaǵnı kólіkterіn taldardyń astyna qoımaýǵa, balalardy qaraýsyz qaldyrmaýǵa jáne osyndaı tótenshe jaǵdaılar bolǵan kezde 112 jáne 101 telefon nómіrіne habarlasýyńyzdy suraıdy. Bul daýyl úsh kúnge deıіn jalǵasady. Sondyqtan qaýіpsіzdіk sharalaryn muqııat saqtaýǵa shaqyramyn, - dedі Mańǵystaý oblysy TJD resmı ókіlі Erlan Sultanmuratov.
Al óńіrdіń bіlіm basqarmasy aýa raıynyń qolaısyzdyǵyna baılanysty Qaraqııa aýdanynda oqýshylar qashyqtan oqýǵa jіberіlgenіn habarlady. Al Aqtaý mektepterіnde ekіnshі aýysymdaǵy sabaqtar 30 mınýtqa deıіn qysqartylǵan.
Sınoptıkterdіń boljaýynsha, erteń de jel kúsheıedі.