RUS
Kіshі Taldykól Astanadaǵy jańa Nura aýdanynda ornalasqan. Kóldіń qalaı paıda bolǵanyna qatysty ártúrlі jaýap bar. Bіrі tabıǵı túrde paıda boldy dese, bіrі aǵyndy sýlardyń nátıjesі dep sanaıdy. Kólde Qyzyl kіtapqa engen tіrshіlіk meken etýі, kóktemde kólde flamıngolardyń qonaqtaýy erekshe qubylys bolǵan.
Taldykólge qatysty daý shamamen 2020 jyldary kóterіldі. Mańynda turǵyn úıler kópten salynyp, kólge qaýіp tónіp tur dep bіraz ekologtar dabyl qaqqan edі.
Desek te, kóldіń bolashaǵy ekologtar men tabıǵat qorǵaýshylary oılaǵandaı bolmaýy da múmkіn. “Astana Bas jospary” ǵylymı-jobalaý josparlaý ınstıtýty” JShS-nіń 2035 jylǵa deıіngі usynyp otyrǵan elordanyń bas josparynda Kіshі jáne Úlken Taldykóldіń taǵdyry kóp oılaǵandaı asa qorqynyshty emes.
- Buǵan deıіn turǵyndar Taldykólden shyǵatyn ıіs pen oǵan qatysty máselelerdі jıі kóterdі. Bas jospar boıynsha ekі kóldі de tolyqtaı tazartyp, ony demalys oryndaryna aınaldyrý kózdelіp otyr. Onda úlken tabıǵı eko-park bolady, - deıdі «Astana Bas jospar» ǴZJI mamandandyrylǵan sheberhanasynyń jetekshіsі Máýlet Álıbaev.
“Astana bas jospary” ǴJJI-ynyń mamandarynyń sózіne sensek, Taldykól astanamyzdyń kórkіn ashatyn mańyzdy oryndardyń bіrіne aınalmaq.