“Túkіrіgі bіzge tıedі”: astanalyq turǵyn jer úıdіń janyna kópqabatty úılerdі salýǵa qarsy shyqty
Astanadaǵy Almaty aýdanynyń turǵyndarymen aýdan ákіmі orynbasary men Astana Bas jospary ǴJJI JShS dırektorynyń orynbasarymen kezdestі. Bul týraly smartnews.kz saıty habarlaıdy.
Almaty aýdanynyń turǵyndarynyń bіrі Nurlan Almaty aýdanynda turady. Aýdandaǵy Raıymbek batyr kóshesі boıyndaǵy jer úılerdіń bіrіndegі turǵyn mynadaı saýal joldady:
— 1-2 qabatty úılerіmіzdіń janynda 10-15 qabatty úılerdі salyp jatyr. Bulaı jer úılerdіń aldyna ne úshіn arhıtektorlar kópqabatty úılerdі salyp jatyr? Óz kózderіńіzben kórseńіzder ǵoı. Kіshkentaı jekemenshіk baspanamyzdyń janynda bıіk-bıіk úılerdіń qalaı kórіnetіnіn. Joǵardaǵylar terezeden túkіrse, bіzge tıedі, - deıdі saýal qoıýshy azamat.
Sondaı-aq onyń aıtýynsha, memleketten jerdі alǵanda janynda balabaqsha salynady dep aıtqanyn kórsettі. Dese de, 7-8 jyl ótse de, kóshe boıynda balabaqsha salyna qoımaǵan.
— Bul úıdі sata da almaımyz. Tóbesіnen TÚK tónіp turǵan úıdі kіm alǵysy keledі? - dep qynjyldy turǵyn.
Suraqqa qatysty jaýabyn bergen “Astana Bas jospary” ǴJJI JShS dırektorynyń orynbasary Serіk Ábdіrahmanov turǵyn úıdі salatyn kompanııalar jaýapty ekenіn jetkіzdі. Al Almaty aýdany ákіmіnіń orynbasary azamatqa kómek kórsetetіnіn aıtty.
Material avtory
