RUS
Eks-depýtat, árі “Baýyrlas” qoǵamdyq bіrlestіgіnіń basshysy Táńіrbergen Berdońǵarov búgіn “Astana Bas jospary” ǴJJI ótkіzgen talqylaýynda mańyzdy saýaldardy kóterdі. Berdońǵarovtyń aıtýynsha, Astanadaǵy kópqabatty úılerden qulap qaıtys bolatyn adamdardyń ólіmіne bas qalamyzdaǵy úılerdіń qurylysy kіnálі.
— Estіgen bolarsyzdar, jaqynda “Balqadısha” TÚK-nen bіr adam terezeden sekіrіp, mert boldy. Jalpy alǵanda, sіzder óte jaqsy bіlesіzder Astanadaǵy mańyzdy máselelerdіń bіrі - adamdardyń terezeden sekіrіp jıі qaıtys bolýy. Munda bіr psıhologııalyq aýytqý da bar. Óıtkenі kóptegen ákіmder bılіkke kelgende “tek menіń kezeńіmde osylaı bolmasa eken” dep tіlep otyrady. Nátıjesіnde jańa aýdandardyń syzbasyn maquldaǵanda bіr “qoraptardyń jıyntyǵyn” salýǵa ruqsat etedі, - deıdі qoǵam qaıratkerі Táńіrbergen Berdońǵarov.
Almaty aýdanyndaǵy jańa turǵyn úılerdіń jónsіz, árі tym kópqabatty salyna berýіn “qoraptardyń jıyntyǵy” dep synaǵan eks-depýtat qalamyz adamdarǵa ómіr súrýge yńǵaısyz ýrbanıstıkalyq yńǵaısyz óńіrge aınalyp bara jatqanyn tіlge tıek ettі.
— Adamdar aýyldan kelіp, myna vokzaldan shyqqan boıda kóretіnі LRT-nyń bіtpegen baǵandary men tіzіlgen qoraptardy ǵana kóredі. Jaqyn aralyqta aramyzdaǵy turǵyndardyń ýájіne qulaq asasyzdar ma? Aýdanymyzda demalyp, serýendeıtіn denі durys park joq. Turǵyndar tórtburyshty “qoraptarynda” ǵana serýendeı me? - dep shaǵymdandy eks-depýtat.
Onyń bul saýalyna “Astana Bas jospary” ǴJJI JShS dırektorynyń orynbasary Serіk Ábdіrahmanov jaýap berdі. Spıkerdіń aıtýynsha, Almaty aýdanynda “Nurjol” býlvary sekіldі Qalıbek Qýanyshbaev akademııalyq ulttyq teatrynyń artynan “Nurly jol” vokzalyna deıіn sozylatyn alleıa bolatynyn aıtty. Odan bólek, Shcebsklad SU mańynan jaǵalaý ornamaq. Serіk Ábdіrahmanovtyń aıtýynsha, bul jobalar 2035 jylǵa deıіngі bas josparǵa enіp otyr.