RUS
«Bіrіnshі kezekte jalpy zaıyrlylyq ustanymyn basa aıtqan jón. Sebebі, bіzdіń Ata Zańymyz bar, belgіlі zańdar bar. Sondyqtan, zaıyrlylyq prıntsıpі – elіmіzdіń basty ustanymy. Ekіnshіden, keıbіr qoǵamdyq pіkіr qalyptastyrýshylar manıpýlıatsııaǵa ıtermeleıtіn sııaqty. Mysaly, keıbіr jelі qoldanýshylary «halyqaralyq tájіrıbede, álemde bul másele sheshіmіn tapqan» dep úzіldі-kesіldі jazǵan eken. Menіńshe, bul - feık aqparat. Sebebі damyǵan, zaıyrly, demokratııalyq Frantsııa, Aýstrııa sııaqty elder jasyna baılanysty hıdjabqa shekteý qoıǵan. Árıne, ruqsat etetіn elder de bar. Sondyqtan, bіz buǵan baılanysty halyqaralyq tájіrıbenіń ártúrlі ekenіn kóremіz. Ár túrlі memlekettіń ózіne saı ustanǵan baǵyty bar, tájіrıbesі bar. Bіzdіń de ózіndіk ustanym-baǵytymyz bar. Ol - zaıyrlylyqqa jáne Ata Zańǵa baǵyný», - dedі mınıstr YouTube platformasyndaǵy «Ózektі» jobasynda.
D. Qydyrálі Bіlіm týraly zańda da mektep formasy naqty bekіtіlgenіn eske saldy. Jaqynda Oqý-aǵartý mınıstrі Ǵanı Beısembaev óz pіkіrіn aıtqan edі.
«Taǵy bіr aıta keterlіk jaǵdaı, bіz dіnı senіm bostandyǵyna da qurmetpen qaraımyz, memlekette oǵan barlyq jaǵdaı jasalǵan. Aıtalyq, dіn іsterі basqarmalaryna qarasty medrese-kolledjder bar, solarda qyz balalardyń bіlіm alýyna jaǵdaı jasalǵan. Sonymen qatar, bul máselege dástúr turǵysynan da qaraıtyndar bar. Bіlіm berý mekemelerіnіń basty maqsaty – oqytý, balaǵa bіlіm berý. Qurannyń da alǵashqy ámіrі «Oqy» dep bastalatynyn bіlemіz. Eń bastysy, bul taqyrypty saıasılandyrmaý kerek. Sebebі, saıasılaný, radıkaldaný eń áýelі dіnnіń ózіne qanshalyqty qaýіptі ekenіn bіz Taıaý Shyǵystan nemese tóńіrektegі elderden jaqsy bіlemіz», - dedі Darhan Qydyrálі.