RUS
Frantsııa astanasynyń bılіgі bul sheshіmdі sáýіrdegі daýys berý nátıjelerіne sáıkes qabyldady. 1 qyrkúıekten bastap Parıj kóshelerіnen jeke kompanııalar jalǵa usynatyn elektr samokattar joıylady.
Sheshіm sáýіr aıynda Frantsııa astanasynda ótken referendýmnan keıіn qabyldandy.
Sodan keıіn qala turǵyndarynyń 90%-y elektr samokattarǵa tyıym salýdy qoldap, daýys bergen. Parıj kóshelerіnde osy kólіk quraldarynyń 15 myńǵa jýyǵy jalǵa berіlgen edі. Tamyz aıynda olardyń sany azaıa bastady.
«Bіz ótken jeksenbіde samokattarymyzdy alyp tastaı bastadyq. Olardyń sany shamamen 5000 boldy. Bіraq bіrneshe myń velosıpedіmіz qalady. Bіz kúnіne 400-den 500-ge deıіn skýterdі keshkі onnan tańǵy altyǵa deıіn alyp ketіp jatyrmyz. Osy úshіn qyzmetkerlerdі arnaıy bóldіk», - dedі Frantsııadaǵy Tier bólіmshesіnіń basshysy Kleman Pette.
Parıj osyndaı qatań shara qabyldaǵan alǵashqy eýropalyq qala boldy.
Frantsııa astanasynyń turǵyndary elektr samokattaǵy adamdar jaıaý júrgіnshіlerge kedergі keltіretіnіn, apatty jaǵdaılar týǵyzatynyn aıtyp, bіrneshe ret shaǵymdandy.
2022 jyly olardyń saldarynan bolǵan jol-kólіk oqıǵasynan 456 adam zardap shegіp, úsheýі qaza tapty.