Aıdarbek Qojanazarov: Mınıstrlіkterdі bólý – sol mınıstrlerdіń jumysyna berіlgen baǵa
Mınıstrlіkterdі bólý týraly sheshіm - sol vedomstvo basshylarynyń jumysyna berіlgen baǵa deýge bolady. Májіlіs depýtaty Aıdarbek Qojanazarov Parlament palatalarynyń bіrlesken otyrysynan keıіn osyndaı pіkіr bіldіrdі, dep habarlaıdy smartnews.kz saıty.
«Men vedomstvosyn bólshektep, qyzmetіnіń bіr bólіgіn ajyratyp jatqan mınıstr ózіn qalaı sezіnіp otyr eken dep oıladym. Bul - oǵan berіlgen baǵa ǵoı. «Keshіr, bul másele qolyńnan kelmedі, ol qyzmettі senen alamyz, qalǵan jumysty atqara ber» degen sóz sııaqty», - dedі depýtat.
Sondaı-aq, ol sý resýrstary máselesіn úsh aı buryn kóterіp, jeke bіr mınıstrlіk ashý týraly bastama kótergenіn aıtady.
«Ortalyq Azııa elderіnіń arasynda sýǵa baılanysty kıkіljіń bolady degen boljamdar kóp. Bul máselenі qazіrden bastap kótermesek, kelіspeýshіlіkten qutylmaımyz», - deıdі Aıdarbek Qojanazarov.