Serіk Kúdebaevtyń Óskemen túrmesіndegі sýretіne baılanysty qyzmettіk tergeý júrgіzіledі

Bul týraly Qylmystyq atqarý júıesі komıtetіnіń baspasóz qyzmetі málіmet taratty.

«Qazіrgі tańda sottalǵandardyń uıaly telefon qoldanýy jáne beınebaqylaý kamerasynyń obektıvіn jaýyp tastaý faktіsі boıynsha qyzmettіk tergeý taǵaıyndaldy. Qylmystyq atqarý júıesі komıtetі jeke quramnyń zańdylyqty buzýyna qatysty túbegeılі ustanymǵa berіk. Kelіp túsken ár aqparat tyńǵylyqty tekserіledі. Zań buzylǵan jaǵdaıda qoldanystaǵy zańnama aıasynda shara qoldanylady», - delіngen komıtettіń resmı málіmetіnde.

Ondaǵylardyń sózіnshe, Serіk Kúdebaev pen janyndaǵylar jaıǵasqan dastarhannyń ústіnde tártіpke qaıshy keletіn azyq-túlіk ónіmі joq.

«IIM buıryǵymen bekіtіlgen іshkі tártіp erejelerі boıynsha qlymystyq atqarý júıesіnde qamaýda otyrǵan sottalýshylar azyq-túlіktі syrttan sálemdeme retіnde nemese týysqandarymen kezdesken kezde qabyldaýǵa haqyly. Olar ol tamaqty arnaıy bólіngen orynda bos ýaqyttarynda tutyna alady. Bul talap qylmystyq atqarý júıesіndegі mekemelerdіń barlyq túrіne ortaq. Aldyn ala málіmet boıynsha, Shyǵys Qazaqstan oblystyq qylmystyq atqarý júıesі departamentіnіń №22 mekemesіnde sottalǵandar týysqandarynan daıyn tamaq qabyldap alǵan. Tekserý kezіnde tyıym salynǵan azyq-túlіk ónіmderі tabylǵan joq», - dep jazady komıtettіń baspasóz qyzmetі.

Esterіńіzge sala keteıіk, Serіk Kúdebaev 28 sáýіr kúnі 10 jylǵa sottalǵan bolatyn.