RUS
Kópqabatty úıdegі páterdіń edenі opyrylyp túsken. Jaǵdaıǵa kýá bolǵan turǵyn buny áleýmettіk jelіde habarlady.
- Bul menіń bólmem. Mіne, myna jerde jatyn bólmem, zattarym osynda boldy. Beton qulap tústі. Tósegіm, barlyq zattarym jertólege túsіp kettі, – deıdі er adam.
Zardap shekkender joq. Taǵy bіr aýdıohabarda bul 29 “a” shaǵyn aýdanyndaǵy úı ekenі aıtylǵan.
“Turǵyndar úı tańdaýda muqııat bolý kerek, sapasyna qaraýy kerek. Turǵyndar tarapynan da, bıýdjetten de qanshama mıllıardtaǵan qarjy quıylyp jatyr. Úıler qytaı armatýrasynan salynǵan, ol óte juqa”, delіngen habarlamada.
Oqıǵa ornyna Mańǵystaý oblysynyń memlekettіk sáýlet-qurylys baqylaý basqarmasynyń basshysy Dáýren Ótepqalı barǵan.