RUS
Tamyz aıynyń sońynda kóshі-qon qyzmetіnіń qyzmetkerlerі 40 jastaǵy jergіlіktі turǵynnyń bes aı boıy Reseı men Qazaqstannyń azamaty bolyp júrgenіn anyqtaǵan.
Polıtseıler naýryz aıynda Hanty-Mansıısk avtonomııalyq okrýgіndegі áıel adamnyń Reseı Federatsııasynyń azamattyǵyn alǵanyn, alaıda Qazaqstan zańnamasyn buza otyryp, Qazaqstannyń іshkі іster organdaryna nemese sheteldіk mekemelerіne ýaqytyly habarlamaǵanyn jáne Qazaqstan azamattyǵyn aıyrylýy boıynsha tıіstі rásіmnen ótpegenіn anyqtady.
Reseılіk zań buzýshydan Qazaqstan Respýblıkasy azamattyǵynyń jeke kýálіgі men pasporty tárkіlendі, sondaı-aq Qazaqstan azamattyǵynan aıyrylǵany tіrkeldі. Quqyq buzýshy QR ÁQBtK-nіń 496-baby 2-bólіgі (Qazaqstan Respýblıkasynyń azamattyq týraly zańnamasyn buzý) boıynsha elden shyǵarý túrіndegі ákіmshіlіk jaýapkershіlіkke tartyldy.
Aıta keteıіk, jyl basynan 400-den astam adam QR azamattyǵynan aıyrylǵan. Negіzgі bólіgіn basqa memleketterdіń azamattyǵyn qabyldaǵan adamdar quraıdy. Sonymen qatar qos azamattyq úshіn 35 adam ákіmshіlіk jaýapkershіlіkke tartyldy, onyń іshіnde shetel azamattyǵyn alý faktіsі týraly belgіlengen merzіmde habarlamaǵany úshіn – 19, Qazaqstan Respýblıkasynyń tólqujatyn jáne jeke kýálіgіn paıdalanǵany úshіn – 16.