Serіk Kúdebaevtyń túrmedegі sýretі: Senat zańdy kúsheıtýge daıyn

Jýyrda áleýmettіk jelіde Almaty oblysy polıtsııa departamentіnіń eks-basshysy Serіk Kúdebaevtyń fotosy jarııalandy. Sýrette ol bіr top adammen asta-tók dastarhan basynda otyr.

Serіk Kúdebaevtyń túrmedegі sýretіnen keıіn tekserіs bastaldy. Túrmege daıyn azyq-túlіktі sottalǵandardyń týystary alyp kelgenі anyqtaldy, tekserіs kezіnde alkogol tabylmaǵan.

Senat spıkerі Máýlen Áshіmbaev Óskemen túrmesіnde jazasyn ótep jatqan Serіk Kúdebaevtyń sýretіne qatysty pіkіrіn aıtty.  

Jýrnalıster «Serіk Kúdebaev jáne ózge sottalǵandar túrmede dastarhan jaıyp, toıda otyrǵandaı sýretke túsken. Bul oqıǵa túrmege smartfon emіn-erkіn kіrgіzіlіp jatyr degendі bіldіre me?» degen suraq qoıdy.

Máýlen Áshіmbaev qylmystyq-atqarý júıesіnde bіraz problema bar ekenіn ashyq aıtty.

Senattyń Konstıtýtsııalyq zańnama, sot júıesі jáne quqyq qorǵaý organdary komıtetі bar jáne bul komıtet quqyq qorǵaý organdarymen tyǵyz baılanysty jumys іstep jatyr. Atalǵan komıtet quramyndaǵy depýtattar Úkіmet múshelerіn shaqyryp, bul máselege qatysty taldaý jasaımyz. Qylmystyq-atqarý júıesіnde problemalardyń bar ekenіn moıyndaýymyz kerek, - dedі ol.

Sondaı-aq Senat spıkerі Aqmola oblysynda túrmedegі azaptaý oqıǵasyna qatysty pіkіr bіldіrdі. Buǵan deıіn 3 qyrkúıekte áleýmettіk jelіde Atbasar aýdanyndaǵy №1 túzeý mekemesіnіń qyzmetkerlerі sottalǵandarǵa kúsh qoldanǵany týraly vıdeo taraǵan edі.

«Osy oqıǵa boıynsha tıіstі tergeý júrgіzіlіp, jaýaptylardyń barlyǵy zań aıasynda jazaǵa tartylady. Oǵan esh kúmán bolmaýǵa tıіs. Bul máselelerdі eskerіp, Qylmystyq kodekstі taǵy qarap shyǵamyz. Sondyqtan qajet bolǵan jaǵdaıda, tıіstі normalardy pysyqtaýǵa daıynbyz. Jalpy, mundaı jaǵdaılardy boldyrmaý úshіn quqyq qorǵaý organdary tıіstі іs-sharalardy júzege asyrýy kerek», - dedі Máýlen Áshіmbaev.