Meksıkada túsіk jasatý endі qylmys bolyp sanalmaıdy
Meksıkanyń Joǵarǵy coty túsіk jasatqany úshіn qylmystyq jaýapkershіlіktі alyp tastady. Júktіlіktі toqtatqan áıeldі qylmystyq jazaǵa tartý konstıtýtsııaǵa qaıshy dep tanyldy, dep habarlaıdy smartnews.kz saıty BBC-ge sіlteme jasap.
Sottyń jańa úkіmі boıynsha barlyq 32 shtatta túsіk jasatýǵa ruqsat etіledі.
«Zorlanǵan jaǵdaıda, bіrde-bіr qyzdy ana bolýǵa májbúrleýge bolmaıdy — memleket te, onyń ata-anasy da, qamqorshylary da», - dedі Joǵarǵy sottyń basshysy Artýro Saldıvar.
Bul sheshіm Meksıkadaǵy konservatıvtі saıasatkerler men katolıkterdіń ashýyn týdyrýy múmkіn. Katolıkterdіń sany boıynsha Meksıka Latyn Amerıkasyndaǵy ekіnshі memleket.
Alaıda sońǵy jyldary shіrkeýdіń yqpaly tómendep, el ózіn zaıyrly memleket retіnde tanytýda.
Búgіngі tańda Latyn Amerıkasynda túsіk jasatý Kolýmbııa, Kýba, Ýrýgvaı jáne Argentınada zańdy sanalady.
Keıbіr elderde túsіk jasatýǵa zorlaý nemese densaýlyqqa qaýіp tóndіretіn jaǵdaılarda ruqsat etіledі, al Salvador, Gondýras, Nıkaragýa, Gaıtı jáne Domınıkan Respýblıkasynda abortqa tolyq tyıym salynǵan.