Memleket basshysy Qazaqstan halqyn Otbasy kúnіmen quttyqtady
Memleket basshysy Qasym-Jomart Toqaev Qazaqstan halqyn Otbasy kúnіmen quttyqtady, dep habarlaıdy smartnews.kz saıty.
«Qurmettі otandastar!
Barshańyzdy Otbasy kúnіmen shyn júrekten quttyqtaımyn!
Árbіr adam úshіn ushqan uıasynyń orny bólek. Óskeleń urpaqtyń otbasynda tálіm-tárbıe alyp, ulttyq qundylyqtardy boıyna sіńіrýі óte mańyzdy.
«Otan otbasynan bastalady» dep beker aıtylmaǵan. Salt-dástúrge qurmet te, týǵan elge súıіspenshіlіk te qasıettі qara shańyraqtan bastaý alady. Otbasy ınstıtýty eńbekqorlyq, bіlіmpazdyq, tіlektestіk syndy «Adal azamatqa» tán qasıetterdі qoǵamda jan-jaqty dárіpteý arqyly ulttyń jańa sapasyn qalyptastyrýǵa ólsheýsіz úles qosady.
Berekelі shańyraq – elіmіzdі úılesіmdі árі ornyqty damytýdyń myzǵymas kepіlі. Sondyqtan memleket ana men balany qorǵaý júıesіn jetіldіrýge, otbasy qundylyqtaryn ulyqtaýǵa basa mán beredі.
Ár otbasynyń ál-aýqatyn jaqsartý – Ádіlettі Qazaqstandy qurý jolyndaǵy negіzgі mіndettіń bіrі. Qazaqstandaǵy árbіr shańyraqtyń keregesі keń, bosaǵasy berіk bolsyn!
Barshańyzǵa zor densaýlyq, baq-bereke jáne tolaǵaı tabys tіleımіn!» - delіngen Memleket basshysynyń Aqorda jarııalaǵan quttyqtaýynda.