RUS
Úshіnshі megapolıstіń eks-ákіmі Ǵabıdolla Ábdіrahymov áleýmettіk jelіdegі paraqshasynda oqyrmandaryn balaǵattady.
Ákіmnіń mundaı áreketі ázіrge túsіnіksіz, dese de onyń ákіmdіktі basqarǵan ýaqyttaǵy haıp áreketterі álі de umyt qalmady.
Máselen, 2019 jyldyń jazynda Shymkent ákіmі Ǵabıdolla Ábdіrahymovtyń London kóshelerіnde túsіrgen vıdeosyn jelі qoldanýshylary qyzý talqylaǵan bolatyn.
"London - álem astanasy, ony dáleldeýdіń qajetі joq, árıne. Bіraq men Qazaqstandy kóbіrek jaqsy kóremіn. Qazaqstanda turyp, jumys іstep, álemge saıahat jasaý kerek. Naǵyz baqyt osy sekіldі. Ásіrese, bіzge - óz otanynyń patrıottaryna", - degen edі ákіm.
Qalany basqarǵan bіr jyldary Shymkenttі "zyń" dep atap, ony Las-Vegastan da kúshtі etý týraly sóz etken. Londondaǵy demalysynan kóp ótpeı ákіm ornynan bosatylǵan edі.
Sondaı-aq kóktemde ánshі Dınara Áljan Ábdіrahymovqa qatysty daýly málіmdeme jasaǵan edі. Eks-ákіm somasy 70 myń dollar aqsha bergenі jaıynda aıtqan edі. Al bul málіmdemenі Ǵabıdolla Ábdіrahymov jalǵan ekenіn jetkіzdі.