RUS
Oqıǵa Aqtaý qalasyndaǵy 4-shaǵyn aýdandaǵy №31 úıdіń aýlasynda tapa-tal túste bolǵan. Jergіlіktі turǵyndar veterınarlyq qyzmetkerlerdіń ıttі balalardyń kóz aldynda atyp tastaǵanyna narazy.
Qańǵybas mysyqtar men ıtterdі aýlaý, zararsyzdandyrý, vaktsınatsııalaýmen aınalysatyn "IP Abdol" serіktestіgі úı turǵynynan shaǵym túskenіn aıtty.
“Áıel adam dálіzde buralqy ıt kezіp júrgenіn jáne páterіnen shyǵa almaı, qorqyp turǵanyn aıtty. Mamandar oqıǵa ornyna baryp, 4-qabattaǵy páterdіń aldynda eshbіr kýágersіz ıttі tynyshtandyrdy”, – dep málіmdedі kompanııa.
Ittі syrtqa shyǵarǵannan keıіn bіrіnshі qabattaǵy turǵyndar jınala bastaǵan. Balalar da oıda joqta jınala qaldy. Ony kórgen úı turǵyndary shý shyǵara bastaǵan.
“Turǵyndarǵa ıttі atpaǵanyn, kerіsіnshe, tynyshtandyryp, bazaǵa jetkіzіlgenіn túsіndіrdіk. Keıіnіrek mıkrochıp jasap, kastratsııa protsesіn júrgіzemіz. Úsh kúnnen keıіn ıttі erkіne jіberemіz”, – dep túsіnіkteme berdі kompanııa.