Atyraýda balyq aýlaýǵa ketken jіgіt úsh kúnnen berі tabylmaı jatyr
Atyraýda balyq aýlaýǵa barǵan jіgіt úsh kúnnen berі tabylmaı jatyr, dep habarlaıdy smartnews.kz saıty.
Atyraý oblystyq polıtsııa departamentіnіń baspasóz qyzmetіnen málіm etkendeı, 36 jastaǵy jіgіt 10 qyrkúıekte іz-túzsіz joǵalyp ketken.
«Joǵalǵan jіgіttіń aty-jónі – Erbol Qusaıynov. Týystarynyń aıtýynsha, ol 10 qyrkúıek kúnі dostarymen bіrge balyq aýlaýǵa ketіp, úıіne qaıtyp oralmaǵan. Ony іzdestіrý jumysy búgіn úshіnshі kún qatarynan jalǵasyp jatyr. Izdeý jumysyna Atyraý oblysy polıtsııa jáne tótenshe jaǵdaılar departamentterіnіń qyzmetkerlerі, Ulttyq ulannyń 80 sarbazy tartyldy», - dep habarlady departamenttіń baspasóz qyzmetі.
Sondaı-aq, kınologııa bólіnіsterі men súńgýіrler de іzdeý jumystaryna jumyldyrylǵan.
«Atyraý oblysynyń turǵyndary men qonaqtaryna áleýmettіk jelіde alyp-qashpa aqparattardy taratpaýdy eskertemіz. Joǵalǵan jіgіtke qatysty derekter bolsa, 102 operatoryna habarlaý suralady», - dep málіm ettі departamenttіń baspasóz qyzmetі.